معارضة أغنية شد الحزام تحية من الدكتاتور العادل للفنان الثائر سيد درويش

معارضة اغنية شد الحزام
"""""""""""""""""""""""
شد اللجام عل فمك غيره ما بايدك
لابد كل يوم هيركبك سيدك
ان كان جلد العبيد على ضهرك بيزيدك
تحرم عليك يا غز كذا ثورة تفيدك

ما شا الله عليك انت وياه
جتة فظيعة وديل ماحلاه
وأهو اللى فى المخلة بتلقاه
واللى مافيشى ان شال الله ما جاه

ما دام بتلقى عليق ودريس
يهمك ايه تفضل موحوس
ما توطى راسك خليه يدوس
هتفرق ايه حمار ولا جاموس

شد اللجام

ها اقولك ايه وأعيد لك ايه ما أنت اللى خامل
دى وكسة جامدة وأنت لا حرمة ولا راجل
يا فرحتك بعلو برسيم فى جرادل
قوم نهق يلا وأنتخب مجلس هامل

شد اللجام

قوللى فى عرض النبى يا سخيم
رايح تلاقيها منين ومنين
دى زريبتك حتى خدوها اثنين
واحد متعسكر والثانى شيخ دين

شد اللجام

عمر البهيم يفضل منحوس
ولو علقوا على راسه فانوس
ها يسخطوك ايه تانى يا جاموس
قوم ارفس اللى عليك بيدوس

قرب نييلنى نيّل
لا تقولى هاجيب وهاكييل
عمر الخيبة ماتنول
بكرة تموت زى الاول
هيلا هيلا هيلا هيلا
هيلا هيلا هيلا هيبا
شد اللجام

الدكتاتور العادل