لو عاوز تتجوز اوعى تاخد نبيل معاك

كان حلم حياة فوزى ان يتجوز من بنت غنية تنقله إلى الوسط الغنى ودور عن البنت دى لحد لما لقاها


والنهارده رايح يقابل باباها


ولان فوزى صريح شويه قال ياخد معاه صحبة نبيل لانه لبق وهيعرف يزود حاجات من عنده
علشان بابا العروسة يوافق


المهم
اسيبكوا مع الحوار اللى حصل


الوالد: أهلا بيك...سمعت انك شغال فى تجارة الملابس ... مش كدة


فوزى:ايوة يا عمى بدأت مشروع صغير كده .. و ربنا يوفقنى


نبيل:ايه التواضع ده ..ده فوزى يا عمى عنده ثلاث محلات و يتفاوض على شراء الرابع


الوالد:جميل... و عندك شقة ؟؟؟


فوزى: ايوة يا عمى ...3 غرف وصالة


نبيل:ما قلتلك بلاش التواضع اللى انت فيه ده .. ده يا عمى عنده فيلا فى الزمالك و شاليه فى الساحل الشمالى:


كانت أم العروس تزغرد على كل هذه المؤهلات التى تسمعها فى عريس بنتها:


الوالد: وبالنسبة للعربية ؟؟؟


تدخل نبيل قائلا : ده عنده ثلاث عربيات .... واحدة للشغل وواحدة للفسح وواحدة للقاءات المهمة


كانت العروسة تضع أذنها على الباب ولم تكن تصدق نفسها


وهنا عطس فوزى قائلاً : الحمد لله


الوالد:يرحمك الله يا بنى .. انت عندك برد ولا ايه


فوزى:شوية بسيطة يا عمى


نبيل:ايه التواضع ده يا فوزى ... ده عنده الضغط والسكر والقلب .... القلب يا عمى


!!!!!!!!

ههههههههههههههههههه

مساهمه جميله
تسلم ايديك

reheema كتب:

على فكرة نبيل ده موجود بكثرة فى كل مجموعة من الاصدقاء او المعارف والغريبة انه فاهم انه بيخدم فعلا ودى المصيبة
على العموم تحية تقدير لنبيل الذى اضحكنا رغما عنا .

استاذى الفاضل اللى انت ماتعرفهوش ان نبيل هو سبب ارتفاع العنوسه فى مصر
مش نبيل فى شخصه بس كل اللى زيه
والحمد لله اللى زيه كتير فى مصر ههههههههههههههههههه