فين الامان

يا اهل الامان أمنونــــــــا ذى ما كنا زمـــــــــان


دة المسؤلين نسيونــــــــا وعاشوا هما فى أمـان


دم الولايا رخـــــــــــص عرض الولايا هـــــــان


جسم الولايا إتنهـــــــــش لا تقوى ولا إيمـــــان


عمرك ما كنت كـــــــــدة يا مصرى يا غلبـــان


إل رماك على كـــــــــدة الفقر والإدمـــــــــــان


لما الشباب مايلاقيـــــش مكان لأكل العيــــــش


لازم يروح عالحشيـــش والبدرة حتى كمـــــان


يا ابو البنات عنيـســـــت مش لاقية تتجـــــــوز


وأدى الشباب عجــــزت و لسة بتحــــــــــــوش


ب أصرخ بأعلى صوت وأقول فى كل مكـــــــان


عمُر الشعوب ما تمــوُت الظلم آخرة بــــــــــان


الشعب بقى مكبـــــــوت وبيغلى غليـــــــــــــان


كفياكوا بقى سكــــوُت الساكت ع الحق شيطان