مصر صحيت يا ريس ......... ولا انت مش داريان

هو انت فين يا ريس .... موجود ولا انت صحيح هربان
هو انت فين يا ريس ..... متغطى ولا بقيت عريان
هو انت فين ياريس ........ يا شجاع يا بن الــ . الشجعان
عايزين نشوفك يا ريس ..... في خطاب ولا حتى بيان
مصر بتقولك يا ريس ....... خلاص مبقاش في حد فيها جبان
مصر صحيت يا ريس ......... ولا انت مش داريان
وبقولك دى بجد يا ريس .......... مش بس زوبعة في فنجان
اوعى تسمع كلامهم ياريس .......... بكره الكل يهدى ده شعب اصله جبان
اسمع كلامنا ياريس ........ المصرى وقت الشدة . معدنه بيبان
الى حصل ده ياريس ............. مش ثورة لاء ده بس قرص ودان
ومش هقولك ارحل ياريس .......... بس تعرف تصلح الى بقى خربان
لو مش هتعرف يا ريس........... يبقى تنفد بجلد قبل ما يجىلك الطوفان