فك التكشيرة ,,,,

أبو العربي بيحكى لأصحابه أنه خاد الفلوكة وراح قبرص وكل ما يجدف قبرص تقرب وبورسعيد تبعد لغاية ما وصل قبرص واشترى اللى عايزه وهو راجع بيجدف بورسعيد بتقرب وقبرص بتقرب فسألوه ..قبرص بتقرب ليه قاله اصلى نسيت ارفع الهلب من قبرص.

---------------------------
مرة ابو العربي ركب مركبه فقامت عليه موجه راح مطلع المطوه قال له بلآش انت يا بحر
--------------------------
ابو العربي سمع ان صاحبه الياباني عيان فسافر ?.وهو معاه في الإنعاش قله الياباني يوكوهاما قام رادد متخفش بنتك في عيني فقله يوكوهاما قله مقلتلك بنتك في عيني ومات الراجل .وابو العربي قاعد بيعزى فيه قال فين يوكوهاما أبوها موصينى عليها فقله واحد من القاعدين هو قلك يوكوهاما فقله آه قله دى معناها قوم من على أنبوبة الأكسجين
-------------------------
ابو العربي قاعد بيتباهى على القهوة وحسن المراكبي مش راضى يعدى الكلام .
ابو العربي يقول :أنا مره ماشى في الصحراء لقيت بت حلوة واقفة في البلكونة ....
حسن المراكبي يقول : حرام عليك هو في بلكونات في الصحرا.
ابو العربي : بلاش ده , أنا مره ماشى في الصحرا لقيت تلاجة ومليانه أكل
حسن المراكبي : يا ابو العربي والتلاجة حتشتغل ازاى في الصحرا.
ابو العربي : بلاش ده أنا مره ماشى في الصحرا لقيت أسد ضخم كبير جدا...
حسن المراكبي : ها وبعدين
ابو العربي : قام أكلني عشان ترتاح يا حسن
---------------------------
ابو العربي قابل واحد صاحبه متغاظ من أمريكا فقال له شوف أمريكا من غضب ربنا عليها خلاها هناك في آخر الدنيا لكن مصر يادوب ساعتين بالييجو.
-------------------------
ابو العربي كل يوم يطلع من الجمرك بالموتوسيكل وشايل صندوق صغير وراه .. مفتش الجمرك يقوله فيه ايه في الصندوق يقوله مافيش ويديله ساعة يد ويقوله عديني يروح معديه .. ومره المفتش قال له افتح الصندوق يابو العربي قاله مفيش داعي قاله افتح الصندوق ففتح ابو العربي الصندوق لاقاه فاضي قاله ادفع نص عمري يابو العربي واعرف انت بتهرب ايه .. ولو قلت لي الصراحة حاخليك تعدي لو شايل جمل .. قاله احلف وانا اقولك .. حلف المفتش .. ابو العربي قاله أنا باهرب موتسيكلات.
--------------------------
أبو العربي كان قاعد على القهوة وجالوه المخبر وقال له تعالى كلم ضابط المباحث فراح معه فدخل على الضابط وقال له صباح الفل يا باشا أنا ابو العربي فقال له الضابط انت ابو العربي أخو البت سماسم الرقاصة اللي ساكنة في
الشارع اللى ورا فقال له ابو العربي لا يا باشا أنا ماعنديش اخوات بنات فقال له الضابط طيب اطلع للمأمور فطلع للمأمور وقال له صباح الفل يا باشا أنا ابو العربي فقال له المأمور انت أخو البت سماسم الرقاصة اللى ساكنة في الشارع اللى ورا فقال له لا يا باشا أنا ماعنديش اخوات بنات فقال له المأمور طيب اطلع لمدير الأمن فدخل ابو العربي لمدير الأمن وقال له صباح الفل يا باشا أنا ابو العربي فقال له مدير الأمن انت أخو الواد سيد اللى كان عاوز يغتال شخصية مهمة هنا الأسبوع اللى فات فقال له ابو العربي لا يا باشا والله العظيم أنا أخو البت سماسم الرقاصة اللى ساكنة في الشارع اللى ورا

---------------------------------------------------------------------------------------------
ابو العربى قاعد مع صحابه يابت يا حنان هاتى الولاعة الدهب من جيب السديرى الشمواه ابو 200 جنية مش لقياها يابا فى السديرى الشمواه ابو 200جنية طيب شوفيها فوق الثلاجة ال36 قدم امو عشر تلاف جنية برضو مش لقياها فوق الثلاجة ال36 قدم امو عشر تلاف جنيه . طيب خلاص لقيتها فى جيب القميص الكستور ابو 600 جنية

-----------------------------------------------------------------------------------------
مرة ابو العربي قاعد يصطاد قام الطعم خلص منه قام جاب ورقه و كتب عليها طعم , و رماها في الميه قام بعد شويه الصنارة غمزت بيطلع لقى ورقه مكتوب عليها سمكة..وهو مروح بأوفة السمك طلع عليه طيارات الأعداء قعدوا يضربو عليه نار وهو كان بيصد بالافه قال الحكاية كده مش جايبة همها و الافه هاتتخرم...قام قعد يلف في القوفة و قام حادفها في محرك طيارة قامت الطيارة مولعة وو لعت الطيارات اللي حواليها قام السمك نزل مشوي..
------------------------------------------------

ابو العربى بيأجرالشاليه بتاعه لواحد عمده فقال له :
شوف يابلادينا الشاليه بتاعى ع البحر عدل ، يعنى تبقى قاعد فى التراسينه وتدلدل رجليك فى الميه .
صرخت مراة العمدة : لآ ياعمدة ..اخاف العيال يغرقوا .
فصرخ فيها ابو العربى. ايه يا وليه ..هوالبحر فين واحنا فين.
-----------------------------------------------------------------------------------
-ابو العربي راح ع القهوة
قال لهم مش تباركوا لي مش انا خطبت البت سعاااااد
واحدرد علية وقال له يا راجل سيبك منها دي ماشية مع نص شباب بورسعيد
ابو العربي قال له يا راجل وهيا بورسعيد كلها أد ايه
------------------------------------------------------------------------------------

-ابو العربى كان فى اليابان فوجد اليابانى يضغط على يدة ويتكلم فقال لة ابو العربى انت بتعمل اية قال لة اتكلم فى الموبايل فقال لة انت مجنون قال لة اليابانى نحن نولد فى يدنا موبايل فكتب ابو العربى ورقة واكلها فقال لة اليابانى انت بتعمل اية قال لة ببعت فاكس
-------------------------------------------------------------------------------------

-مرة ابو العربي كان راجع من الشغل وراح واقف تحت البيت ونادى على والدتة وقالها : عايزة حاجة من تحت قبل ما اطلع قالتله لا ربنا يخليك قالها طيب حد مزعلك اموتهولك قالتله لا يا ابني اطلع قالها حد مضايقك اشرحلك وشه قالتله يا ابني مش عايزين مشاكل اطلع بقى راح قايلها : طيب نوريلي نور السلم علشان فيه قطة عالسلم
-------------------------------------------------------------------------------------------------

ابو العربى فى حرب اكتوبر راكب فلوكه فى القنال وبيحكى ويقول لقيت فوقى واد طيار اسرائيلى اول ما شفنى حدف عليا صاروخ قمت زقيته ..راح حادف واحد تانى وطيت راسى راح جاى فى الفلوكه وقعت فى المية واتشعلقت فى خشبة وقعت اجدف بيدى.. حدف عليا صاروخ تانى قمت غاطس فى القنال.. برده لقيته نازل بالطيارة عليا وقرب منى خالص وحدفلى اروصه مارلبورو وقال لي جدع يآله
---------------------------------------------------------------------------------------------

أبو العربي عامل أشاعة في بورسعيد كلها أن اوناسيس صاحبه جدا وياما سهروا مع بعض فلما اوناسيس عمل رحله باليخت بتاعه لبورسعيد أصحاب ابوالعربي قالوا له صاحبك اوناسيس هنا لما نشوف.. . أبو العربي خد الفلوكه بتاعته بالليل وراح ليخت اوناسيس وقاله أنا في عرضك لما تعدي من قدام القهوه وتلقاني قاعد بس قولي مساء الخير يابو العربي علشان الناس ماتأكلش وشي.. اوناسيس وافق تاني يوم ابو العربي قاعد علي القهوه وسط اصحابه فعدى اوناسيس وقاله مساء الخير ياأبو العربي..أبو العربي رد عليه وقال: أيه ياروح أمك حتهزر معايا ولا أيه
--------------------------------------------------------------------------------------------------

بيقولك مرة أبو العربى حس بخيانة مراته ليه فقرر انه

يراقبها فمشا وراها لحد لما لقاها ماشيه مع راجل غيره

فقام مشا وراهم حتى وصلو إلى الكورنيش فاستخبا ورا

الكورنيش فسمع الراجل بيقول لمراته إى بقا يا أم العربى

انا كل مرة لما أمشى معاكى أمسك إيدك اليمين نفسى

مرة أمسك إيدك الشمال قالتله ام العربى : لا إيدى الشمال

دى بتاعة ابو العربى فاطلع ابو العربى

وقال لمراته: أصيلة يا ام العربى
--------------------------------------------------------------------------------------------------
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟
--------------------------------------------------------------------------------------------------

مره ابو العربى دخل القسم فالظابط بيحقق معاه قال له
ازاى يا ابو العربى تعمل كده فى الراجل دا انتا كسرت له رجل و قطعت له ايد وجبت له شرخ فى دماغه رد ابو العربى يا باشا انا كنت ماشى بالعربيه بتاعتى بسرعه و سعادتك عارف عربيتى مافيهاش فرامل فا انا قعدت ادى للراجل ده كلاكسات و اقلب له فى نور وهو اللى ما بعدش عن العربيه فدخلت فيه غصب عنى رد الظابط لا لا لا لا انتا كده عندك حق هو اللى غلطان انا ها اساله سال الظابط الراجل قال له انتا ازاى ما بعدتش انتا مش عارف ان عربيه ابو العربى مش فيها فرامل رد الراجل والله يا باشا انا معملتش حاجه انا كنت قاعد فى الدكانه
--------------------------------------------------------------------------------------------------
مره ابو العربي كان قاعد مع ابنه مستنيين ام العربي وكانوا كسلانين خالص راح ابو العربي قال لابنه قوم افتح لامك راح ابنه قاله هى مش مراتك يبقى انت اللى تفتحلها الباب راح ابو العربي نادى على مراتو وقالها يام العربي قالتله ايوه قالها انتى طالق وراح بص لابنه وقله قوم افتح لامك
--------------------------------------------------------------------------------------------------
***********
ابو العربى سال مسعد صاحبه : اٍمَال ابوك ما عادش بيبان ليه ياله يامسعد؟
مسعد: ابويا مات ياعم بقاله شهر .
ابو العربى : ! يعنى معدناش هنشوفه تانى ولا ايه؟
***********
--------------------------------------------------------------------------------------------------

هههههههههههههههههههههه حلوة جدا

المر الى فاتت جبت الصعيدى ودى ابو العربى ياغالى ميهمكشى حاجة قول الصعيدة مش هذعل واللة

والله زى العسل

ابتسم فالابتسامة تذيب الهموم والأحزان وتوقظ السعادة من سباتها . ابتسم ويكفيك أن ترى الآخرين يبادلونك ابتسامة أعمق وأصدق ابتسم لتزيح الهم من قلبك وتزيح هم غيرك ابتسم فلست الوحيد الذي لسعته الأيام .. نعم ابتسم ولاتسأم وابرز قدرتك على مواجهة هذه الحياة وصعوباتها