بحـث
المواضيع الأخيرة
أجمل ما قـال صـلاح جاهيـن عن مصـر
4 مشترك
صفحة 1 من اصل 1
أجمل ما قـال صـلاح جاهيـن عن مصـر
أجمل ما قال صلاح جاهين عن مصــر
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
علي أســم مصــر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أوح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
علي اسـم مصـر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مصر اللي عمر الجبرتي لم عرف لها عمر
وطلع لقاها مكان مليان عوام وزعر
جعيدية غوغاء يجيبوا تملي وجع الراس
وخليط أفارقه هنادوة روم ملل أجناس
والترك في القلعة والمماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
وناس تنام لما يزحف موكب الأحداث
على اسم مصر
والمس حجارة الطوابي وادق بكعابي
يرجع لي صوت الصدى يفكرني بعذابي
يا ميت ندامة على أمة بلا جماهير
ثورتها يعملها جيشها ومالها غيره نصير
والشعب يرقص كأنه عجوز متصابي
إنهض من القبر احكي القصة يا عرابي
يطل لي رافع الطهطاوي م التصاوير
شاحب ومجروح في قلبه وجرح قلبه خطير
وعيونه مغرورقين بيصبوا دمع حزين
على اسم مصر
أحسنت في القول صحيح يا ولد يا متنبي
جبت اللي جوه الفؤاد عن مصر متعبى
وحكمت بالعدل لكن بعضنا انظلموا
" يا أمة ضحكت من جهلها الأمم "
العلم كان عندنا من صغره متربي
لكنه هاجر وعدى البحر متخبي
لما الإيران هجموا ثم اليونان هجموا
ثم الرومان دمروا ثم التتار هدموا
ثم الجميع كل واحد جه مسح قدمه
على اسم مصر
هل مصر موميا جميلة صورتها فوق النعش
يعشقها مجنون ينادي عليها ولا تطلعش
هل مصر نار صفصفت والنفخ فيها محال
والأرض نشعت على رمادها استحال أوصال
سألت أنا الرافعي كان عجٌز ولا بيسمعش
لكن عينيه كانوا يحكولي قصص ما اشبعش
يقولولي ماتخافش مصر بخير وعال العال
مصر الجبرتي ومصر الرافعي حال غير الحال
انظر محمد فريد أعظم وأرقى مثال
فاطمة فيصل- مشرف عام
- عدد المساهمات : 1136
السٌّمعَة : 4
تاريخ التسجيل : 29/09/2010
شريف- الرواد
- عدد المساهمات : 413
السٌّمعَة : 1
تاريخ التسجيل : 29/11/2010
العمر : 56
رد: أجمل ما قـال صـلاح جاهيـن عن مصـر
الاستاذه فاطمه -- بعد ماخوفتينا من السمك روحنا لصلاح جاهين ياخوفى من اللى جاى ولكن عموماإحنا قاعدين ومستنيين -
اكيداختيار جميل فى وقت قليل من يهتم فيه بالكلمه --
تحيتى للاستاذ شريف على نماذجه المتحركه وذوقه فى تجديد صفحه المنتدى --
** م / محمد صلاح الدين طنطاوى
اكيداختيار جميل فى وقت قليل من يهتم فيه بالكلمه --
تحيتى للاستاذ شريف على نماذجه المتحركه وذوقه فى تجديد صفحه المنتدى --
** م / محمد صلاح الدين طنطاوى
المتابع- مشرف منتدى نادى المطريه
- عدد المساهمات : 382
السٌّمعَة : 1
تاريخ التسجيل : 18/08/2010
العمر : 58
رد: أجمل ما قـال صـلاح جاهيـن عن مصـر
الأخت الفاضلة فاطمة
تحياتي للأسرة جميعاً وربنا يوفقك
كلمات بسيطة في حب مصر من أخيكم أحمد الحريف
الدنيا هي الدنيا مهما قلت عليها
ومصر أم الدنيا مهما قلت عنها
والرب رباني بحب النيل وجنيهُ عليه
والنيل رباني ومهما الباقي جني عليه
بحبك يا مصر والشوق جوايا
بحبك يا مصر فوق كل حب جوايا
بشتاقلك في القرب ومهما بعدت عنك
بشتاقلك وفقلبي حنين مهما بعدت عنك
حبك يا مصر في القلب شراع آمان
حبك يا مصر في القلب عمران
بحبك ومهما قلت عنك بحبك
بحبك ومهما قالوا عنك بحبك
أخيكم
م/ أحمد الحريف
تحياتي للأسرة جميعاً وربنا يوفقك
كلمات بسيطة في حب مصر من أخيكم أحمد الحريف
الدنيا هي الدنيا مهما قلت عليها
ومصر أم الدنيا مهما قلت عنها
والرب رباني بحب النيل وجنيهُ عليه
والنيل رباني ومهما الباقي جني عليه
بحبك يا مصر والشوق جوايا
بحبك يا مصر فوق كل حب جوايا
بشتاقلك في القرب ومهما بعدت عنك
بشتاقلك وفقلبي حنين مهما بعدت عنك
حبك يا مصر في القلب شراع آمان
حبك يا مصر في القلب عمران
بحبك ومهما قلت عنك بحبك
بحبك ومهما قالوا عنك بحبك
أخيكم
م/ أحمد الحريف
المستشار/ أحمد الحريف- مشرف منتدى التنمية البشريه
- عدد المساهمات : 767
السٌّمعَة : 0
تاريخ التسجيل : 26/09/2010
العمر : 65
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الثلاثاء 07 فبراير 2023, 19:43 من طرف اخوكم احمد
» شوت ايديا لادارة صفحات الفيس بوك المواقع الالكترونية وانشاء اعلانات الفيس بوك ويوتيوب shoot idea
الخميس 24 يونيو 2021, 05:44 من طرف shootidea
» ادارة صفحات السوشيال ميديا , اعلانات فيس بوك shoot idea
الثلاثاء 22 يونيو 2021, 06:57 من طرف shootidea
» بالأرقام.. ننشر فروق استهلاكات الكهرباء بين اللمبات العادية والليد
الأربعاء 04 ديسمبر 2019, 13:30 من طرف اخوكم احمد
» متصفح أوبرا الجديد يوفر 90% من فاتورة الإنترنت
الإثنين 02 ديسمبر 2019, 12:04 من طرف اخوكم احمد
» الرقم البريدى للمطرية القاهرة
الثلاثاء 01 أكتوبر 2019, 13:49 من طرف اخوكم احمد
» [رقم هاتف] رئاسة حى المطرية 44 ش الكابلات ميدان المطرية ..مصر
الإثنين 08 يوليو 2019, 16:16 من طرف اخوكم احمد
» قائمة السلع والخدمات المعفاة من الضريبة على القيمة المضافة
الإثنين 05 فبراير 2018, 16:24 من طرف اخوكم احمد
» قاعات افراح .. بحميع محافظات مصر ... وبالاسعار والعنوانين
الأربعاء 10 يناير 2018, 12:48 من طرف اخوكم احمد
» محلات المطرية
الإثنين 01 يناير 2018, 12:32 من طرف اخوكم احمد