قيل فى (الحاج صفاء) الرجل الذى حصل على اعلى الاصوات

اسمحولي انضملكم واسجل اعجابي بالمنتدى ومساحه الحريه المفتوحه للمناقشات وعرض الراي والراي الاخر
وفعلا الكلام اللي انا واخداه اقتباس ده كلام ممتاز
وبعد اذنكم انا شايفه ان الكلام ده ينطبق على محمد صالح وشهرته الحاج صفاء مرشح الفئات
هو ولا هو مليونير ماشي يبعتر يمين وشمال ويصرف ملايين على الدعايه
ولا هو واحد سايب المطريه ومارجعلهاش الا لما فكر يدخل الانتخابات
ده راجل زينا كلنا مستور وطول عمره عايش في المطريه واهله كلهم هناك
وعمره ما مشى وراه هتيفه يقولو ده عمل وعمل
لان اللي بيعمل مبيقولش


وعلشان كده انا بقول باعلى صوت
انا هدي صوتي للحاج صفاء عن مقعد الفئات
وان شاء الله هيكسب
مى صالح
............................
الحاج صفاء مثقف وشخصيه محترمه ويحيط به مجموعه مستشاريين محترميين امثال د-هندوى والمهندس سيد سعيد والاخ هشام البلتاجى
والاخ محمود مخاليف شخصيه طيبه حبوبه ومحترمه وسبق تجربته بحلوها ومرها
لكن اعتقادى الشخصى ان فرصتهما قد تكون قليله هذه المره لاسباب مختلفه
فصفاء سيظلمه ميمى
ومخاليف تجربته لم تكن احسن من تجربه ميمى
يعنى ميمى قدرهم
لو جه حزب يسقطوا
ولو لم ياتى حزب ممك ينجحوا
وحد ممكن ينجح
لكنى اعتقد ان ميمى جاى وفرصه طيبه لصفاء فى المره القادمه
dr.magdy
..............
حضرتك قلت ان ((ميمي هيظلم صفاء ))ليه مقلتش ان صفاء كمان هيظلم ميمي؟
ادهم (عضو)
.............

يعني انا شخصيا اؤيد الحاج صفاء وبالرغم من اني قبطي لم اجد اي حرج اني اؤيده لاني فعلا شايف انه خير من يمثل المطريه على مقعد الفئات لانه راجل محرم ومثقف وبيحترم الكل وماعندوش فرق بين غني وفقير ولا فرق بين مسلم ومسيحي راجل شفت حواليه جميع الفئات من المثقفين والاطباء والمهندسين الى العمال والحرفيين الكل يؤيده بحب واقتناع

وانا فعلا اتمنى اني الاقي شخص زي عقليته بيمثلنا على مقعد الفئات
رفعت (زائر)
.............
انا قابلت الحاج صفاء امبارح ودي اول مره اقابله فيها بصراحه راجل جميل جدا ومحترم ومبتسم وبيسمعلك باهتمام ويحسسك انه اخوك ولا ابوك وبيعامل الكل باحترام الكبير زي الصغير ومبيتكبرش على حد واحلى حاجه فيه انه مبيحاولش يدي وعود في الهوا واجمل كلمتين سمعتهم منه ان شاء الله ويا مسهل

الراجل ده دخل قلبي وحسيت انه ممكن يعمل حاجه لانه مش لامم حواليه سماسره ولا ناس بتطبل
وبالمناسبه انا سمعت عن المنتدى على القهوه بس معرفتش اتسجل ازاي
نجيب (زائر)
.............