عزيزى المناضل ..لقد وقعت فى الفخ !

عزيزى المناضل ..لقد وقعت فى الفخ !
بقلم / اسماعيل عرفه
------------------------

فيه ناس فاكرة أن الصراع دلوقتي له 3 أطراف (الثورة - الإخوان - الدولة العميقة) .. ومعتقدين أن الإخوان واقفين جنب الدولة العميقة ضد الثورة .. وفاكرين أن المشهد هيتقلب لحرب أهلية ، وع
اويزنها ثورة على الإخوان والنظام الحالي ، والهتش دا ..

لا يا حبيبي العملية مش زي مانتا فاكر خالص .. الصراع حالياً له طرفين فقط (الثورة - الفلول)

مؤخراً تسربت تفاصيل مؤامرة الفلول لإجهاض الثورة تماماً كلنا سمعنا عنها (حل تأسيسية الدستور وإرجاع العسكر يوم 2 ديسمبر) .. يبقى زي ما ضربة الفلول قاضية ، لازم رد الثورة يكون قوي جداً .. عشان كدا الضربة المرة دي لصالح الثورة كانت شديدة جداً ، والفلول مكانوش متوقعينها ..

طبعاً الفلول اتصدموا ، اتجنوا .. تخيل أنهم يوم 2 ديسمبر كانوا هيبقوا ماسكين كل حاجة ف البلد (رئيس ودستور ومجالس نيابية وحكومة) ، ومرة واحدة لقوا نفسهم معرضين للسجن والإعدام !! .. وكلنا عارفين أن كمية ملفات فساد الفلول اللي متحوشة ف درج النائب العام الجديد لا تعد ولا تحصى ..

طيب سؤال : هل تفتكر أن الفلول هيقفوا يتفرجوا على خسارتهم وفشل مؤامرتهم ، ويقعدوا يستنوا على ما النائب العام يبتدي يسجنهم واحد واحد ؟ .. لأ طبعاً !! .. الموضوع دلوقتي بالنسبة للفلول حياة أو موت !! .. إما انهم يعيشوا في دولة الفساد مستريحين ، وإما انهم يتسجنوا ويتعلقوا عالمشانق ف دولة العدل ..

طيب الفلول يعملوا إيش عشان يحافظوا على أرواحهم ؟ .. راحوا مطلعين كل أسلحتهم بلا استثناء واحد .. وابتدوا ف تنفيذ خطة من خطوتين لرد ضربة الثورة :-

1 - استعانوا بكل النخب اللي حضرتك بتحترم رأيهم ، عشان لما الفلول تتستر وراء النخب دي ، تلاقي نفسك واقف مع الفلول ، وبكدا يبقى الفلول والنخب إيد واحدة .. يعني دلوقتي حضرتك بالفعل مع الفلول يا معلم ! .. فماتستغربش لما تلاقي أبو حامد ومصطفى بكري والبرادعي وتوفيق عكاشة وعمرو موسى وصباحي ومرتضى منصور وسامح عاشور والزند وأحمد سبايدر إيد واحدة ف الميدان.

2 - وظفوا البلطجية عشان حاجتين .. أولاً :: عشان يصوروا المشهد أنه تشابك بين الإخوان والثوار ، فالناس تغضب على الإخوان أكتر وأكتر وتعتبرهم ضد الثورة ، ودا طبعاً هيفيد الفلول في الضغط على الرئيس أنه يرجع عن قراراته .. ثانياً :: عشان يصوروا المشهد إعلامياً أن قرارات الرئيس هيا السبب ف نزيف الدماء دا ولابد للرئيس أن يتراجع عن القرارات حقناً للدماء ..

باختصار : الفلول بيضحكوا عليك يا مغفل عشان تقف معاهم ضد الثورة !! .. مش بس كدا ، لا دانتا كدا بتدافع عن أموالهم المسروقة وممتلكاتهم المنهوبة ، ومش بعيد كمان ترجع شفيق أو المجلس العسكري للحكم !

عزيزي المناضل .. إوعى تقع في الفخ !