السيناريو المتوقع.. إذا تم التزوير - عبدالرحمن الهاشمي

قسم بالله العظيم البيان ده انا نزلته يوم الجمعه بعد احداث العباسيه مباشرةً وهو كالتالى سيناريو مبارك العسكرى
بعد إستبعاد حازم ابو إسماعيل بالتزوير قطعاً وبعد تجاهل الحكم القضائى الذى صدر لصالحه وبعد سكوت جميع المرشحين والاحزاب الإسلاميه عن قول الحق لان إستبعاده جاء لمصلحتهم أقول لهم فوقوا قبل أن تندموا

21 يونيو
اعلان اللجنة فوز (احمد شفيق/عمرو موسى) في إنتخابات الإعاده، والجماهير العريضة تخرج احتفالا بهذا الفوز وتطلق الشماريخ وتهلل وتطبل وتزمر على قنوات الفلول

22 يونيو
الاخوان والسلفيين والمرشحون الخاسرين يحشدون لمليونية ضخمة في التحرير وبقية المحافظات اعتراضا على نتائج الانتخابات النزيهة بشهادة كافة المراقبين!!!! وهى حتماً مزورة

23 يونيو
إعلام مبارك يهاجم الإسلاميين والداعين للإعتصام بكل شراسة ويقولون ( يعنى الصندوق لو جابكم يبقى الانتخابات نزيهة ولو مجبكومش تبقى الإنتخابات مزورة ؟

24 يونيو
ويعنى الاخوان والسلفيين والناس اللى معاهم دول عايزين ايه؟؟!!! بقى معقول ان الجيش اللي حمى الثورة يزور الانتخابات!!!
وبعدين مش لو كان الجيش عايز يزور الانتخابات كان زور بتاعت مجلس الشعب ومجلس الشورى) المغفلين اللى بيقولوا كده ميعرفوش طبعاً إنه من غير صلاحيات وان دى خدعه معموله علشان يتحججوا بيها لما انتخابات الرئاسة تتزور !

25 يونيو
لسان الشعب يقول الله يخرب بيت الاخوان والسلفيين وقفوا حال البلد الطلبة مش عارفين يروحوا الامتحانات والثانوية هتبوظ واحنا مش هنعرف نروح نصيف!!!! خربتوا البلد الله يخرب بيوتكم البورصة عماله توقع واسرائيل على الحدود وامريكا حركت بوارج لقناة السويس !

26 يونيو
العسكر يستعين بالبلطجية ليرعبوا الشعب المصرى ! الإعلام يشن حملات تخويف للمصريين بسبب المظاهرات ويطالبون العسكر بإعلان حالة الطوارئ وحظر تجوال ! وبالفعل العسكر يعلن حالة الطوارئ فى مصر ويشن حملات اعتقال وسط المتظاهرين ويتهم قيادات بالاخوان والسلفيين بالتحريض على التجمهر واعمال عنف وأنهم متسببون فى إنتشار البلطجه !

27 يونيو
فكر توفيق عكاشه ينتشر بسرعه رهيبة بين جميع القنوات ووصل إلى قناة الرحمه والناس !

28 يونيو
خروج مشايخ السلاطين ويوجهوا رسائل للمعتصمين !
وبعدين ياشباب روحوا انتوا مستعجلين ليه ما انتوا شايفين البلد بتوقع وبعدين يعني ايه المشكلة لما يقعد شفيق 4 سنين بس، وبعدين ما تنسوش اننا ماسكينة من رقبته احنا معانا البرلمان والشورى!!!
وبعدين يعني عايزين نصطدم بالجيش يعني؟؟!!! وسفك الدماء؟؟!!! احنا خايفين عليكوا حرام دمائكم تروح هدر؟؟!!!
وكمان انتو شايفين ان الشعب زهق خلاص وما بقاش عايز الثورة وزي ما انتو عارفين نحن لا نتقدم ولا نتأخر عن الشعب!!!!!! وفي النهاية شفيق احسن من غيره!!!

29 يونيو
وبعد هذا براءة مبارك من التهم الموجهه اليه والعادلى يطعن على قرار حبسه وبراءة يا عادلى وكل من وجهة له تهمة قتل الثوار فهو برئ براءة الذئب من دم ابن يعقوب /

وكل سنة وانتو طيبين اصل انا عندى ثورة ساعه تروح وساعه تيجى.

------------------------------------------------------------------

لو كان الوضع كما ذكر فكيف ترى الحل؟! .