اتقوا الله في دم الضحايا حقيقه الليي حصل في اسماعليه

انا من زمان كنت بتابع الموقع وبقرا اللي بيتكتب فيه ومكنش بشارك لكن اللي خلاني اكتب النهارده رغم الظروف اللي بنمر بيها هي مشاركه الاستاذ محمد فاروق عن اللي حصل في اسماعليه

انا كنت موجود هناك وحبيت ادخل اكتب اللي حصل واللي شوفته بعيني

انا واحد من جيران عليه صقر اللي ربنا ابتلاها بالمصابين في الحادثه اللي حصلت في اسماعيليه وروحت هناك انا وناس كتير من المطريه وكنا كلنا في حاله ما يعلم بيها الا ربنا كنا قلقانين على الناس اللي اتعورت وكل شويه يجيلنا خير موت حد منهم وكنا كلنا على اخرنا وحصلت خناقه بين اهالي المصابين والدكاتره والموضوع كبر قوي وجابو الامن المركزي لكن تدخل ولاد الحلال لم الموضوع في هدوء وخصوصا ان اللواء نبيل النمكي عاش فتره مش قليله في المطريه وواضح انه يعرف الحاج صفاء كويس لان بعد ما كان الامن المركزي هيلم الناس كلها الموضوع اتلم بسرعه ماهو مكنش هيبقى موت وخراب ديار

وبعدها خرجت العربيات من المستشفى على الترب ودفننا المتوفيين في ترب العرب في المطريه وبالليل اتعمل العزا

وانا حضرت كل ده وماشوفتش الحاج ميمي في اسماعليه خالص

وبالرغم من اني متعمد اني ابعد عن موضوع الانتخابات خالص بس انا لازم اقول ان الراجل اللي شوفته في اسماعليه طول اليوم كان الحاج صفاء كان موجود طول اليوم وهو اللي لم موضوع الامن المركزي وخرج معانا من المستشفى للترب وحضر الدفنه وكمان شوفته بالليل في العزا وتاني يوم شوفته في مستشفى المطريه مع المتصابين بيتطمن عليهم ومره تانيه مع اهالي المتوفون بيتطمن عليهم وبيسالهم اذا كانو عايزين حاجه انا بكتب الكلام ده لاني عايز ارجع الحق لاصحابه لدرجه اني بدات اصدق ان في حد ممكن يخدم الناس بجد وبدات اصدق اللي بيتقال عن الراجل ده

ولولا اني خايف اني ابقى زي المطبلاتيه والناس تفتكر اني بعمله دعايه لاكنت قلت هو عمل ايه مع اهالي الضحايا في اسماعليه

الكلام اللي انا قولته ده شفته بعيني وكان حاضر معانا الحاج سيد( - اشبيليه - )والاستاذ وائل (- الطحان - )والاستاذ ايمن صقرعم المتصابين
وياريت لو بيدخلو النت يقولو اللي انا قولته ده حصل ولا لا

والسؤال للاستاذ محمد فاروق
انت جبت الكلام اللي انت قلته ده منين؟ والحاج ميمي كان فين في اسماعليه؟
حرام عليكم يبقى دم ولادنا واخواتنا طريقه للدعايه في الانتخابات احترموا حرمه الموت ودم الناس اللي راحت واحترمو حزننا عليهم
ياريت ترد عليا وتقولي جبت الكلام ده منين؟

بسم الله الرحمن الرحيم
اخى الفاضل آلمنى جدا الحادث ودعوت الله بالرحمة للمتوفين والصبر والسلوان لأهلهم وسرعة الشفاء للمصابين وان يمن الله عليهم بالرحمات والطمأنينه وان يثيبهم فيما ابتلوا فيه خيرا ب
إذن الله تعالى واذكرهم بحديث رسولنا الكريم عن عائشة رضي الله عنها قالت: سمعت رسول الله يقول:

{ما من مسلم يشاك شوكة فما فوقها إلا كتبت له بها درجة، ومحيت عنه بها خطيئة } [مسلم]

وما قلته عن الاستاذ الفاضل / محمد صالح أثلج صدرى ورفع من قدر هذا الرجل الفاضل فى نفوسنا وهو يتماشى مع ما اعرفه من حسن خلق وسيرة طيبة لأسرة عريقة من اسر المطرية العظيمة هى اسرة الاستاذ محمد صالح الشهير بالحاج صفاء صالح فهو منا ومن بيت ككل بيوت المطرية العريقة التى عرفناها من اكثر من 50 سنة بيت اصل وشرف وكرم ونبل اخلاق وسيرة وسريرة طيبة بإذن الله تعالى

اما عتبك على الاستاذ / محمد فاروق فنحن ننتظر منه الرد هنا وليقل لنا ما مصدر معلوماتة فقد تكون سليمة وقد يكون ما قاله قد حدث بالفعل وعليه لا يسعنا فى نهاية كلامى سوى ان اقول لنفسى ولكل احباب المطرية
ليحافظ كل منا على صورتة الجميلة التى رسماناها له وليتحرى الدقة فيما ينشر وليحاول توثيق مصدر معلومتة حتى لا يساء تأويل اى خبر او معلومة ينشرها بيننا فنحن هنا للصالح العام والحمد لله المنتدى بدأ يعرف طريقه لأهل المطرية الطيبين الذين قد يتسامحون لكنهم ابدا لا ينسون من احبهم واخلص لهم ومن لم يقدم لهم سوى الكلام والوعود .

انا شاهدت جزء مما حصل وسمعت من الحاج ميمى ومن ابن اختى -الذى عايش الموضوع وسهرت معه فى انتظار باقى المصابين اللى كانوا فى الطريق الى مستشفى المطريه-
ولم اسمع من الحاج صفاء وكلاهما عزيز على والتمس فيهما الصدق وقد يكونا عملا كل حسب طاقته وكل حسب صلاحياته
وهما شئنا ام ابينا اولاد عمه وخال
وهذا موضوع انسانى لايجوز ان نحوله سياسه فالمعروف عن ميمى وصفاء انهما من غير انتخابات كانوا هيعملوا كده
واى واحد من باقى الناس اللى مش نازله انتخابات كان هيعمل ما فى استطاعته
د-مجدى طه

بسم الله الرحمن الرحيم (( وبشر الصابرين الذين اذا اصابتهم مصيبه قالوا انا لله وانا اليه راجعون ))
 
انا احب ابدا كلامي بدعوه للضحايا بان يرحمهم الله ويثبتهم عند السؤال ويجعل مثواهم الجنه ان شاء الله
ويلهم اهلهم الصبر السلوان وياريت كلنا نتناوب على زياره اهل الضحايا في رمضان للتخفيف عنهم وعلشان مايحسوش ان اولادهم راحو ويحسوا ان كلنا ولادهم
 
انا قريت بتركيز كل اللي كتبه الاستاذ حبشي ولاستاذ محمد فاروق والدكتور مجدي
وطبعا انا لاحظت اختفاء الاستاذ محمد فاروق وامتناعه عن تفسير موقفه ومصدر كلامه .
 
وبغض النظر عن كده انا هقول الكلام اللي سمعته بوداني من الاستاذ ايمن صقر عم الضحايا وللعلم انا سالته بعد ما قريت الموضوعين ,
والمعلومه المؤكده ان اللي كان في الاسماعيليه هو الحاج صفاء وان مفيش حد سواء من النواب او المرشحين راح الاسماعيليه غيره وسمعت منه اغلب الحاجات اللي ذكرها الاستاذ حبشي وبردو سمعت ان الحاج ميمي راح الدفنه .
لكن موضوع الاسماعيليه محصلش ومراحش غير الحاج صفاء وهو الوحيد اللي راح وقضى اليوم هناك مع الضحايا واهاليهم وده يتفق مع اللي معروف عنه وعن اخلاقه .
فياريت كل اللي حضر الموقف يدخل زي ما انا دخلت ويقول اللي حصل .
 
وزي ما قال الاستاذ الحبشي (( بلاش موضوع الدعايا على جثث الضحايا ))
 
اخوكم : ابراهيم الساكت