انتخابات المطريه ..2011

أولا الدكتور كمال طلبه مرشح مجلش الشعب عن دائرة المطرية والسلام وعين شمس والمرج ..
الدكتور كمال طلبه
لسلام عليكم وكل سنه وأنتوا طيبين وعيد سعيد عليكم جميعا أنا الكابتن محمد منصور تلميذ من تلامذة الدكتور كمال طلبه ومن الشباب المتطوعين لدعم الدكتور كمال في حملته الانتخابيه :
تعريف بالدكتور كمال طلبه المتولي سلامه :
دكتوراه في القانون العام .
دكتوراه ثانية في التشريع الضريبي .
أستاذ منتدب بكليه حقوق حلوان .
مدير عام بالإدارة العامه للقضايا الضريبيه .
مستشار قانوني بجريدة أبناء الوطن .
عضو الجمعيه المصرية للإحصاء والتشريع .
عضو جمعيه القانون الدولي .
عضو الرابطه العامة للضرائب .
عضو إتحاد الكتاب الأفريقي والأسيوي .
صاحب مؤلفات عديدة منها ( الحرب العالمية المنتظرة ) ( كوارث التغيرات المناخية واثارها المستقبلية على الاقتصاد المصري والعربي والعالمي )
(النظام القانوني لعقود البناء والتشغيل ونقل الملكيه bot ) .

بعيد بقي عن كل الكلام الرسمي دة ..الدكتور كمال طلبه راجل بسيط زينا مننا عارف همومنا عارف مشاكلنا وحاسس بيها أنا شاب مليش أي مصلحه معاه غير إني مقتنع بيه وبشخصه وبقولكم لو نص الناس اللي هتبقي جوة المجلس زيه والله العظيم هنتغير ونشتغل ونتجوز ونستقر وهو دة حلم أي شاب وبنت الاستقرار إحنا عمرنا ما نزلنا ولا إنتخبنا لاننا عارفين إن الأصوات بتتباع بفلوس وبسكر وزيت وبطاطين ودة غير التزوير فكنا بنقصر ومننزلش أحسن
إنما بعد ما نزلنا بثورة وعرفنا نقول رأينا وصممنا عليه عايزين كمان اللي هيقولوا بقي رأينا في مجلس الشعب يبقوا فعلا بيتكلموا عننا مش عن نفسهم ..إحنا دلوقتي في أكتر وقت محتاجين حد يرفع صوتنا بعد الاحزاب ما سرقت صوتنا ونزلت ناس مرشحين علشان تكمل سرقه صوتنا إحنا مش هندي صوتنا لحد غير لما نعرف عنه كل حاجه ونقعد نتكلم معاه ونفهم منه هو يقدر يعمل ايه لينا والأهم إنه ميبقاش تابع لاي حزب .. والدكتور كمال بيته مفتوح لاي حد أي ان كان من أي مكان وهو راجل بسيط
ومن الحاجات اللي قليلين بس اللي عارفنها إننا إحنا اللي صممنا إن الدكتور كمال ينزل الإنتخابات وهيبقي مرشح الشباب الأول بأذن الله وزي ما قولتلكم الدكتور كمال بيته مفتوح ومقرة الانتخابي في شارع جمال عبد الناصر من جسر السويس وممكن يجي لاي مكان علشان الناس تعرفه أكتر وللتواصل معانا أنا أسمي محمد منصور ودة رقمي 01008984209 وبأذن الله ننسق مع أي حد حابب يعرف الدكتور كمال من قرب ..وكل سنه وإنتوا طيبين.

بالتوفيق يا دكتورنا وربنا معاك

قرأت عنه وتحدثت لمن درس فى علم الاقتصاد عنه فوجدتة يعرفه ويثنى عليه
بالتوفيق لأهل العلم والفكر وعلى بركة الله اقول نعم وقلبى مطمئن