بالفيديو : المسيرة الشعبية لدعم مرشحي حزب الحرية والعدالة ( اسسه الاخوان المسلمون لكل المصريين) بالمطرية

التوفيق للجميع بس ياريت تكتبوا للناس إن المرشحين الكرام مرشحين تابعين للأخوان المسلمين لان مش كل الناس تعرف إن حزب الحريه والعداله حزب الأخوان المسلمين..

كل عام وأنتم بخير ..وعيد سعيد ..إحنا رافضين حكم الأخوان ورافضين إنهم يبقوا صوتنا لان صوتهم طول تاريخهم من قياداتهم بس وحتي من داخلهم ملهمش رأي غير رأي قيادتهم ..وناس زي الأخوان دول تفتكروا هيوصلوا صوتنا مش كفايه إن الاحزاب سرقوا ثورتنا وحزب الحريه والعداله كان أول حزب من اللي سرقوا الثورة وفي الاخر الله يوفق اللي نيته إنه يوصل صوت الناس وينفعهم مش اللي صوته من دماغه وعايز يخدم مصالحه الشخصيه ..شاب عاش الموت أيام ثورتنا المسروقه

الكابتن منصور مع احترامي لحضرتك اللي بتقول احنارافضين حكم الاخوان .. انتوا ميييين ؟ انته شعب تاني ولا شعب من هنا ..

فاز الاخوان باكتساح في جميع انتخابات النقابات نقابة الصيادلة ونقابة المعلمين ونقابة الأطباء ونقابة الصحفيين ونقابة العلميين أخيرا ..

وبعدين حضرتك بتقول ان حزب الحرية والعدالة سرق الثورة .. بقول لحضرتك اللي مسميين نفسهم النخبة همة اللي سرقوا الثورة وعايزين تنقلبوا على ارداة الشعب في الاستفتاء الماضي و تفرضوا مباديء فوق دستورية ..

بقول لحضرتك أيضا انا كمان تعرضت لاطلاق الرصاص اكثر من مرة بميدان المطرية وميدان التحرير فلا تزايد .

أولا كلمه إحنا بنقولها علي كل اللي عاشوا الموت في التحرير أيام ما كنا بنسمع في التلفزيون العربي والغربي إن الجماعه المحظورة مش هتشارك في جمعه النهاردة ..يا أخي العزيز مهما نجحتوا في نقابات مش هتنجحوا في 20% من انتخابات مجلس الشعب .لان الشعب عارفكم كويس ولو انتا علي حق إحكي للناس واحد زيك ولا اللي انتوا عايزينا نرشحه ونديله صوتنا يقدر ياخد قرار واحد من دماغه ولا لازم تجيله أوامر من قيادات الجماعه المحظورة ..ودة ضد اللي إحنا كلنا عايزينه إحنا شعب مصر عايزين صوتنا احنا اللي يوصل مش صوت قياداتكم اللي شايفه مصلحه مصر من ناحيتهم هما بس وفي الاخر الناس مبقتش عبيطة وكلمه لكل الناس ولو أنا غلطان أبقي أتاكد علشان ناس كتير زيك مغيبه ..إنزل أي بلد ريفي وأسال أي واحد عن حزب الحرية والعداله و الجماعه المحظورة هيقولك دة حاجة ودة حاجه الناس اتضحك عليهم وأتقالهم عن طريق يفط قماش مش يفط صفرا زي الموجودة في القاهرة علشان يخدعوا الناس البسطاء ولو دخلتم مجلس الشعب هيبقي عن طريق الناس البسطاء بس اللي ميعرفوش حاجه..حسبنا الله ونعم الوكيل..

كلامك كله تخاريف واحد نايم مش مستغطي ..

عارف بجد مراوح الطاحونه حمرا يا توتي .. والحمد لله قدام كل الناس إنتا اللي جبت نفسك التهزيق .. والايام مفيش أقرب منها ولو نجحتوا إبقوا قابلونا ياللي بتتاجروا بالدين وبالاسلام ..

ربنا يسلمنا من لسانك البذيء وانا بقوللك صح كنا بنتاجر لما اعتقلنا وانتهكت حرمات بيوتنا وصودرت شركاتنا وعلقت رقابنا على اعواد المشانق في سبيل الله عز وجل .

قال تعالى : إن الله اشترى من المؤمنين أنفسهم وأموالهم بأن لهم الجنة يقاتلون في سبيل الله فيقتلون ويقتلون وعدا عليه حقا في التوراة والإنجيل والقرآن ومن أوفى بعهده من الله فاستبشروا ببيعكم الذي بايعتم به وذلك هو الفوز العظيم .

فما أربحها من تجارة وما أروعها من تضحية