فكرة تستحق المناقشة

فكرة رائعة ويعلم الله اننى شغلت وانا فى العمرة بالمدينة المنورة بمراقبة كيف يتخلص الناس من قمامتهم ولاحظت ان عربات القمامة تأتى فى السابعة صباحا وتخرج الفنادق قمامتها فى اكياس سوداء كبيرة امام الفندق فى نفس التوقيت .. ثم تذكرت ان الفنادق عندنا والاحياء الراقية لا تعانى من مشاكل القمامة
يا سيدى لو وزعت القمامة على مكاتبهم لن يجدى ذلك فالموضوع عايز حل قومى يقوم على معرفة ان الزبالة كنز قومى ممكن نعيد تدويره وان الصحة العامة اهم ما يجب الحفاظ عليه لو اردنا ان ننهض بخصائص سكاننا
وان البلد اللى عايز سياحة ودخل من الخارج لازم يبقى نظيف مثل تونس ومصر زمان قبل هجمة الهكسوس علينا بعد فترة الستينات الجميلة

اخوكم احمد كتب:فكرة رائعة ويعلم الله اننى شغلت وانا فى العمرة بالمدينة المنورة بمراقبة كيف يتخلص الناس من قمامتهم ولاحظت ان عربات القمامة تأتى فى السابعة صباحا وتخرج الفنادق قمامتها فى اكياس سوداء كبيرة امام الفندق فى نفس التوقيت .. ثم تذكرت ان الفنادق عندنا والاحياء الراقية لا تعانى من مشاكل القمامة
يا سيدى لو وزعت القمامة على مكاتبهم لن يجدى ذلك فالموضوع عايز حل قومى يقوم على معرفة ان الزبالة كنز قومى ممكن نعيد تدويره وان الصحة العامة اهم ما يجب الحفاظ عليه لو اردنا ان ننهض بخصائص سكاننا
وان البلد اللى عايز سياحة ودخل من الخارج لازم يبقى نظيف مثل تونس ومصر زمان قبل هجمة الهكسوس علينا بعد فترة الستينات الجميلة

انا اولا بشكرك انك متهم بمواضيع المنتدى و واضح جدا اهتمام حضرتك العالى بحى المطرية بس انا ملاحظ ان انت بس اللى موجود هما فين الناس اللى يهمها المطرية احنا محتاجين مناقشة جادة فى مشاكلنا دى انا بقترح الفكرة و محتاج ناس معايا مش واحد ولا اتنين و ان شاء الله نرتقى بحينا و يبقى احسن كتير من المناطق الراقية اللى بنشوفها و الله ده حلم نفسى احققه
بخصوص اقتراحى انا شايف انهم يستاهلوا اذا كان هما مش حاسين بالمسئولية اللى فى ايديهم احنا نقحمهم فيها عافية و ذوق لما يلاقوا القمامة محوطاهم من كل مكان يعرفوا ان الله حق و يحسوا شوية باللى هما عاملينه فى الناس
الزبالة دى اكبر ضرر علينا بامراضها و منظرها الدميم فى الشوارع احنا ناقصنا ايه علشان نبقى زى الناس اللى عايشة فى بيئة نظيفة و صحية اقل منهم فى ايه علشان يبقى ده شكل الحى اللى عايشين فيه دى النظافة لازم تكون عنوان لينا كمسلمين ياريت تفيدنى استاذ احمد باقتراحاتك

اهنئك اخي الكريم علي هذه الفكره
بس ياتري فعلا هيحسوا علي دمهم ويهبوا بنظافه شوارع المطريه ؟
احتمال نعم وأكيد احتمال لأ
هيه محاوله مش بطاله
بس ياريت يكون في عقاب لكل مسئول لم يراعي ربنا في عمله
بكده كل شئ هيبقي تمام
لان العقاب وحده هو من سيجعل اي مسئول يعمل ألف حساب قبل ما يتهاون في عمله
لكن طول ما المسئولين مافيش عليهم اي عقاب
فحتي لو وضعنا القمامه امام منزله فكل ما سيفعله انه سيأمر بازاحتها فقط وكل شئ سيبقي كما كان
فنحن في اشد الحاجه لقوانين صارمه تحكم هؤلاء المسئولين والا فقل علي البلد السلام
فحتي سن هذه القوانين فعلينا المحاوله معهم لعل وعسي
فيا أخي الكريم الضمائر الان لا يحركها غير العقاب الفوري وليس الخوف من الله سبحانه وتعالي
الا ما رحم ربي حتي لا نظلم احد
فاطمة فيصل

الفكرة رائعة بشرط تكوين فرق من الشباب هى اللى تتولى نقل القمامة الى امام باب المجلس المحلى يوميا من الاماكن التى اعتاد الناس على القاء القمامة فيها وياريت يبقى كام يوم ورا بعض لحد ما يزهقوا