تجديد الثقة

نعم للحاج ميمى العمدة      نعم لمرشح الشباب معوض جاد    والتوفيق والنجاح من عند اللة

في عجالة يا استاذنا الفاضل ماذا قدم السيد النائب للمطرية وعين شمس من خدمات او ماذا قدم لاهالي المطرية وعين شمس ؟
راي الشخصي :-لا نجد لة في المجلس طلب احاطة واحد لم يقم بخدمة عامة لحي المطرية او عين شمس ولا تقل لي الاشعة المقطعية لان الاشعة المقطعية مطروح مناقشتها من نواب سابقية وانها خطة دولة كما لم يقم بها مجاهد انا لااعيب في شخص الحاج ميمي لانة رجل محترم ويريد بالفعل ان يخدم ولكن الياتة ومقوماتة لاتسمح بذلك وبالتالي في رأي الشخصي انة لايصلح كنائب للمطرية وعين شمس انا اسف وارجو ان لاتؤاخذني في ذلك ولكن الاختلاف في الراي لايفسد في الود قضية

ياصديقى انت عايز ايه من عضو مجلس الشعب وماذا تريد ان يتوفر فيه
وبعدين نقول انت عايز مين
وده ممكن يكون سهل لو واجهنا انفسنا وقلنا الحقيقه

عايزين نائب يعرف معنى كلمة نائب الشعب وليس عضو مجلس شعب لان فى فرق بين الاثنين (بس هو دة كل اللى احنا عايزينة يا دكتور ) عندك حد ولا لسة هتدور معانا

الرجا من الجميع الالتزام بالنقد الموضوعى والرأى البعيد عن التجريح حتى لا نسبب اى تجريح لأحد
والمنتديات اذ تحافظ على تلك الاخلاق ستمنع وتحذف اى تعليق جارح
وستضطر الى حذف كل مساهمة تخرق هذا الحظر دون الرجوع الى صاحبها
نشكر الجميع ونتمنى الالتزام منهم وشكرا لكل من ينبهنا الى اى تجاوز مع العلم بأن قدراتنا لا تسمح لنا بمراقبة كل المساهمات وعليه نعتذر لمن يجد اى تجاوز فى حقه هنا ونعده بإصلاحه وقت تبليغه لنا على الفور

مع العلم بأننا فى المنتدى عرضنا تقرير مصور عن افتتاح السيد النائب ميمى العمدة للأشعة المقطعية فى مستشفى المطرية
وننشر الرأى والرأى الآخر للصالح العام .

ممكن ارد انا على السيد الدكتور مجدى
عاوزين مرشح يكتب على يافطته على الاقل دكتور
وليس حاج او معلم او استاذ
وشكرا

المعلم والحاج والاستاذ قد يكونوا عند الله وعند الناس افيد من الدكتور
يااخى الكل محترم -واى حد بيطرح نفسه للعمل العام على راسنا واحنا بنتناقش علشان نقرب وجهات النظر بيننا فى عدد قليل نختار من بينهم
تحياتى لك وللجميع

على فكرة يا جماعة الحمد لله المطرية فيها كل اللى نفسنا فيه بس ندور واحنا نلاقى ولو على الدكتور فى الدكتور شرابى وهو نازل وهو محترم جدا بس يا ريت ندور ونتعب نفسنا شوية والله العظيم انا واحد من الناس بقالى شهر بسأل على مرشح فى كل حتة وبين الناس علشان لما اقعد معاه ابقى عارف انا بتكلم مع مين والله لو تعبنا نفسنا شوية سنجد ما يسرنا ولنتذكر قوله تعالى (ليس للإنسان الا ما سعى ) لكن الاستسهال دة وانا بحب حمادة يبقى انا مع حمادة طيب ماهو حمادة كويس وكل حاجة بس مش هيعرف يعمل حاجة وهنا لازم كلنا نعرف نظرية الصالح والمصلح والفرق بينهمواسمحولى اطول عليكم شوية الصالح زى راجل تقى بيصلى وعارف ربنا كويس وبيعامل الناس زى الفل بس بعد الصلاة مبيمسكش مقشة ولا مكنسة ينظف حتى جزء من الجامع ولا حتى الكنيسة لو مسيحى اما المصلح فهو الشخص الذى يجمع بين الاثنين الصلاح والاصلاح بيصلى وعارف ربة وبيعامل الناس بالحسنى وبيمسك المقشة بعد الصلاة وبيكنس مكانة او بستنى لما الناس تخلص صلاة ويجمع الحصر والسجاد والنبى يا جماعة اللى يعرف حد يمتلك فى العمل العام مقومات هذا المثال يقولى وانا كمان هسأل علية لو مش عارفة

يا دكتور مجدى على فكرة المعلم والحاج والاستاذ اصدقائى واخواتى وانا منهم
ومش بنقول انهم افيد او الدكتور افيد
احنا بنقول عاوزين راجل اهل علم
مش عاوزين جهله او اشباه متعلمين
وشكرا

احنا لسنا من معارضى هذا او ذاك ولكن نحن نتمنى ان يكون لنا شكل ونحس اننا من الموجودين على خريطة التطوير ولا ينفع المطرية اى من المرشحين يستطيع ان يضعها على الخريطة لان المطرية لا يوجد بها من يدخل الغربان الى اماكنها والدليل كم عدد المرشحين عن دائرة المطرية وعين شمس وهل عندهم من المؤ هلات العلمية والقدرات ان نكون مثل الجار العزيز الزيتــــتون التى اصبحت لنا نحن اهل المطرية المنتزه