رسالة لمستر اوباما

يا مستر أوباما
ـــــــــــــــــــــــ
يا مستر أوبامــا .... سليل عم ســام
يا ماسِك حمامه .... وغصن السلام
كلام قـُلتـُه ياما .... معـــاه ابتســـام
شتمت ف أسامه .... بكل احتـــرام
وبعد العمامــه .... امـَّا عانها ونـام
قتله بتلامـــه .... في عز الظــلام
ــــــــــــ
وبعديها تعلِن .... خطابــك صريح
بإنك دفنتـُــه .... في أعمق ضريح
ويظهر بإنـُه .... كلام مش صحيح
وإنك قتلتـُه .... وهُوَّا الطريـــــــح
فِراش النهايه .... ف مكان مش مُريح
لا مات بالقنابل .... ولا بالسِهــــــــــام
ـــــــــــــــ
وجاي النهارده .... تقول إسرائيــــــل
ما بينكم معاهده .... وكلام م التقيــــل
وليها المساعده .... وفيتــو رزيـــــــل
ولينا المناهــــده .... ورغم الدليـــــــل
عايزنا احنا نهدا .... وملناش بديـــــل
يا إما الندامـــــه .... يا إمـَّــــا انتقــام
ــــــــــــــــ
وتطلع تنادي .... بكلام مش مزاوله
بإنك تراضي .... فلسطين بدولـــــه
كلام كله عادي .... بتعمل محاولــه
تخلي الأعادي .... هتكسبنا جولـــه
وبعــد السنادي .... تموت المداولـــه
وتفضل فلسطين .... تعيش في الخيام
ـــــــــــــــ
وحبيت تسابق .... ف غزو العراق
نصبت المشانق .... أرقت الدماء
عملت الحرايق .... نشرت الوباء
و شعبه اللي دايق .... مرار البلاء
يريـــدك تفارق .... وطالب جلاء
وإنت برخامه .... مطنـِّش تمـــام
ـــــــــــــــ
ولمـَّا في سوريا .... الشباب فيها ثار
تدخلت فــــورًا .... تشعللها نــــــــار
وتظهِـر عداءك .... في عز النهــار
وزي الديابــه .... يجيلك سُعـــــــار
وخلـِّيت بلادك .... تولـِّف قــــــرار
يطارد ف بشار .... بأقصى اتهــام
ــــــــــــــــــ
وفـــي ليبيا تطلع .... عشـان الوقود
وتضرب في غاره .... بحبـة بارود
بتشبه تمامــــــًا .... للطـْـم الخـــدود
معدتشي حتــى .... لخط الحـــــدود
لا خليت معمر .... مفيــش له وجود
ولا شعبُه نـــال منـَّك انت اهتمـــــام
ــــــــــــــــــ
وفي مصر عَمَّال تقـــُــول اقتصــاد
ضعيف والكساد غطـَّى فيهـــا وزاد
وإنك هتعمــــل بكل اجتهــــــــــــاد
تساعـــــد وتدينا بالإقتــــــــــراض
وتسقط ديُّـونـَّا القـُــــدام والجُــــداد
ولاكن دا كلـُّـه وعُــــوُد والســـلام
ــــــــــــــ
يا مستر أوباما احنا مصر العظيمه
كرامة بلدنــــا كرامه قديمـــــــــــه
وف الأزمه تظهر أصُولنا الكريمه
وتصحىَ الشهامه معاها العزيمــه
وكل التاريخ يعرف ان احنا قيمـه
ما يخدعنا أبدًا وعـُـــود بالكـــلام