انتخابات المطرية 2010 !!!

هو الاشموني دة عمل اية في حياتة عدلة من ساعة ما ربنا خلقة
لااااااااااااااااااااااااااااااااااااا للاشموني و فضايحة ونعم ابو عيدة

يا مسعد افندى عيب لما تتكلم على الفضائح وتتهم عمك الاشمونى انتو سرقتو المطريه وضمرتو معالمها وختو الفيلات القديمه وضع يد وخلتوها ابراج حسبى الله ونعم الوكيل ده كمان غير الخير اللى بيطلع من تحت الارض نعم للاشمونى

الاخ المسكين مسعد بيقول الاشمونى وفضائحه وبيرشح واحد كلو فضااااااااااااااااااااااااااااائح يا راجل اختشى عيب مش كده ايه اللى بيحصل فيكى يا مطريه

نعم بكل الحب للرجل المحترم عاطف الاشمونى سكرتير عام الغرفه التجاريه وواجه المطريه المشرفه

عندما اقراء تعليقات الساده المشاركين احمد الله على اختيارى للحج صفاء اثر المنتمين والمعلقين للحج كلامهم موزون دون تجريح المرء على دين خليله فالينظر احدكم من يخالل شكر لموايدى الحاج صفاء على احترمهم للاخر صلاح الدين يحسن اختيار سفرائه وكذلك الحاج صفاء يحسن اختيار معاوينيه

الاشموني حرامي وبهلوان
وابوعيده تاجر اثار ومحامي مشبوه
هو مفيش غير محسن عتمان عمهم وراجل دوغري ومعندوش باطحه على راسه

من ابو عيده للاشموني يا قلبي لا تحزن

هو محسن عتمان وبس

يارب اضرب الظالمين بالظالمين وخرجنا منهم سالمين

يارب اضرب ابو عيده بالاشموني وخرج محسن عتمان منهم سالم غانم بكرسي المجلس يارب

ممكن اعرف ايه هو المجلس اللي عملتوه
او بمعنى ادق ايه اللي خلى بعض الاعضاء اسمهم مكتوب باللون البرتقالي؟

وايه هي الصلاحيات اللي بملكها صاحب اللون ده؟

اعتذر لجهلي ولكن استفسار احببت ان افهمه

وشكرا

من غير سبوبه ولا مصالح
بعقلنا قلنا محمد صالح
علم وثقافه اخلاق وذكاء
وشهرته الحاج صفاء
عارف الدايره ومشاكلها
اهله منها مش غرباء
اسمع كلامي ونصايحي
علشان مصالحك ومصالحي
ماهياش مصالح شخصيه
لكن عموم المطريه
ابن المطريه وحبيبها
وحقوقها بالذوق هيجيبها
نظافه صحه وظايف
عمره في الحق ماكان خايف
مش محتاج حد يوصيه
عايش معانا واهو شايف
اسمع كلامي ونصايحي
علشان مصالحك ومصالحي
ماهياش مصالح شخصيه
لكن عموم المطريه
عزب وبحر كابلات وحجلان
عين شمس شرقيه وغربيه
وازاي الصحه يا شارع الصحه
حبايبي ياهل القبليه

علي القاضي كتب:ممكن اعرف ايه هو المجلس اللي عملتوه
او بمعنى ادق ايه اللي خلى بعض الاعضاء اسمهم مكتوب باللون البرتقالي؟

وايه هي الصلاحيات اللي بملكها صاحب اللون ده؟

اعتذر لجهلي ولكن استفسار احببت ان افهمه

وشكرا

اخى الفاضل الاعضاء ذوو اللو البرتقالى هم من اوائل الاعضاء الذين اسهموا بجهدهم ووقتهم وفكرهم فيما وصل اليه المنتدى من انتشار حتى اصبح بحمد الله لسان حال اهل المطريه على الاقل فى الانتخابات وكان لزاما علينا ان نمنحهم بعض النكريم بتميزهم بلون مخالف فينتبه العضو الجديد ويسأل كما سألت حضرتك ولك كل الشكر
مع العلم بأن هناك ايضا اعضاء يستحقون اللون البرتقالى ولكننا منحناهم لون آخر وهو البنفسجى لأنهم مكلفون بعمل سامى آخر وهو الاشراف ومساعدة الادارة ان تيسر لهم ذلك وعليه فالعمليه كلها عمليه تنظيمية وايضا رد الفضل لأصحابه
بارك الله فى الجميع وللعلم اتمنى ان يأتى اليوم ونرى الجميع من صفوة الاعضاء فنمنح الجميع من يستحقون من تكريم .

شكرا اخي الفاضل رحيمه على التوضيح

وانت فعلا عملت صرح كبير وسبقت الكل اعتقد على حد علمي المتواضع انك اول واحد تعمل موقع اليكتروني لحي من احياء مصر

وفقك الله يا اخي الفاضل

صحيح يا استاذ رحيمه ممكن اسالك سؤال صريح والاقي عندك اجابه صريحه وقاطعه

انت هتنتخب مين فئات ومين عمال
وشكرا

علي القاضي كتب:شكرا اخي الفاضل رحيمه على التوضيح

وانت فعلا عملت صرح كبير وسبقت الكل اعتقد على حد علمي المتواضع انك اول واحد تعمل موقع اليكتروني لحي من احياء مصر

وفقك الله يا اخي الفاضل

صحيح يا استاذ رحيمه ممكن اسالك سؤال صريح والاقي عندك اجابه صريحه وقاطعه

انت هتنتخب مين فئات ومين عمال
وشكرا

الله يبارك فيك وفى كل اهل المطريه الكرام
بالنسبة لإنتخاب مين فيعلم الله اننى لم احدد بعد وان كنت فى الفئات حددت احد مرشحين وسأترك للفترة القادمة تحديد ايهما اختار
والحمد لله ففى الدورة قبل الماضية تنبأت بفوز الاشمونى وقابلته فى مسجد شجرة مريم ودعوت الناس لإنتخابه وقد فاز
وفى الدورة الماضية اخترت الحاج محمود مجاهد والحاج ميمى العمدة وقد فازا
اما هذه الدورة فأتوقع فوز احد العضويين الذين انا محتار بينهما فى الفئات
اما العمال فلم اكون رأى حتى الان
وليوفق الله من يحقق امانى الناس المحتاجة لإنسان يحس بيها .

شكرا على ردك واهتمامك
طيب ممكن نعرف مين اللي انت محتار بينهم ولا حضرتك مش عايز تعلن عن اختياراتك دلوقتي؟

علي القاضي كتب:شكرا على ردك واهتمامك
طيب ممكن نعرف مين اللي انت محتار بينهم ولا حضرتك مش عايز تعلن عن اختياراتك دلوقتي؟

بالفعل اخى اود ان اكون محايد جدا حتى لا اؤثر على حيادية المنتدى ومن وثقوا فيه واودعوه امانيهم وحبهم
والمنتدى برأيى ابقى وادوم لأهل المطريه من مرشح قد لا يستمر فى مجلس الشعب ليكمل دورته كما شاهدنا
ونحن فى بلد لم تعرف يوما معنى الحياد فى صحفها وقنواتها وكل وسائل اعلامها حتى فى التفاهة واللعب
فلا اقل من نكون محايدين الى آخر لحظة لكن من حقى ان اعلن تأيدى لمرشحى هنا فى وقت ما اتمنى ألا يكون قريبا .

جزاك الله كل خير على صراحتك

نعم للحاج صفاء من اجل مستقبل افضل للمطريه
نعم للحاج صفاء من اجل تحسين اوضاع المطريه
نعم للحاج صفاء من اجل تطهير المطريه من الفاسدين

فى البدايه اود ان احى الاخ الفاضل رحومه على هذا النتدى الجميل واتمنى له التوفيق واويد بكل الحب الاستاذ عاطف الاشمونى فئات عضويه مجلس الشعب اما بالنسبه للعمال فهناك اتنين ساختار منهما اما الحاج محمود مخاليف او زبادى بتاع الحزب الناصرى

يا اشمونى اعلنها امام الله وامام الناس اننى محمد عبد الغنى السيد المقيم فى شارع الترول وشهرتى كاريكا سوف اقوم بانتخابك لانك الاحق والله على ما اقول شهيد نعم للاشمونى

لو فعلا فى انتخابات نزيهه يبقى بازن الله هيكسب الاشمونى وهيرجع تانى بازن الله يمثل المطريه وعين شمس فى البرلمان ويكون سفير عنى وعن كل ابناء المطريه اشششششممممممموووووونننننننى

هنتخب الاشمونى عشان بجد انا سمعتو فى مؤتمر واعجبت بى جدا ممكن حد يدينى رقم الموبايل بتاعو

علي القاضي كتب:

dr.magdy كتب:شكر للاستاذ رحيمه -على اختياره لى ضمن المجموعه
الاخوه الاعزاء الفرصه الكبيره لاتنين من هولاء فى مجلس الشعب القادم
ا-اتنين مرشحى الحزب الوطنى من 18-اللى فى الحبسه خانه
ب-ممثلى المعارضه-عاطف الاشمونى-رجائى بدوى -محمد زبادى
ج-3-فئات؛كامل-محسن -حمدى الكرداسى
4-عمال-خالد الزقله-هشام الحنفى-على المصرى-محمود عبد الله سالم
د-مرشح الاخوان
-على فكره ده انطباعى عن المعركه القادمه ومش معنى كده ان الباقى مالهومشى فرصه لكن دول فى راى المتواضع وبنسبه كبيره 70%
اما عن بتوع الحزب اللى فى المجمع -الحبسخانه
فالاحتمالات سيحددها العمال
بمعنى لو الحزب اختار ميمى مثلا-عمال
يبقى الفئالت ناجح لانه اقوى من غباشى وحسين بديع
لو الحزب اختار مخاليف يبقى طارق او عزت او شرابى وهكذا

الى د-مجدي
قرات بتركيز كبير تحليلك للمعركه الانتخابيه القادمه واستغربت جدا لهذا التحليل فانت من المفترض ان تكون حياديا في نقل نبض المطريه بصفتك من معدود من المثقفين بها .
ولكن رايي الخاص انك هنا جانبك الصواب وخرجت عن الحياديه في هذا الرد
فلقد ذكرت انت في ترشيحك اسماء بعض الاشخاص الذين لايمتلكون اي قاعده جماهيريه قويه في الشارع وفي نفس الوقت اغفلت اشخاصا مهمين ولهم اسهمهم المرتفعه في المطريه.
فهل من المعقول ان تغفل ذكر الحاج صفاء في ترشيحك ؟!!!!!!!!!!!!!!!!!!!
هل الحاج صفاء اقل فرصه ممن ذكرت؟ وانا لا احدد اسما معينا ولا اعيب في احد ولكن اقول ان الحاج صفاء لا يمكن ان يكون باي حال من الاحوال اقل فرصه ممن ذكرت اسماءهم على مقعدالفئات ان لم تكن فرصته افضل من بعضهم..
سيدي
ارجو ان لا تخيب ظني وظن الكثيرين فيك بانك شخص محايد لا تجعلني وغيري نشعر انك تكتب رايك بناء على مواقف شخصيه من افراد او مصالح شخصيه مع اخرين .
الحاج صفاء له شعبيه وقاعده جماهيريه عريضه يستند عليها لذا فانا ارجو منك ان تسير قليلا في شوارع المطريه لتستمع الى اراء الناس بدلا من ان تعتمد في رأيك على رواد مقهى ...................
ولك تحياتي

الحاج_صفاء_قوي_ومتواجد_لكن_وجود_ميمي_يضعفة

الحاج صفاء الناس بتحبة من قلبها
ان شاء اللة ةيجي وينظف المطرية كلها
كلنا بنحبة
وهنفضل جبة
لان هو قدوتنا
...واحنا اخترناة بارادتنا
هيقولوا ويعيدوا عليك
ودة بيزود ثقتنا فيك وربنا مثبت رجليك
اللة يقويك عالحمل اللى ماليك
وان شاء اللة انت نائبنا وربنا يبارك فيك

خت كام ياديب

من طرف كارم اليوم في 10:00

.نعم للحاج صفاء من اجل مستقبل افضل للمطريه
نعم للحاج صفاء من اجل تحسين اوضاع المطريه
نعم للحاج صفاء من اجل تطهير المطريه من الفاسدين وياطرى هيندف نسه ويدى للناس فلسهم الى اخدها بنصب

المسكين كتب:خت كام ياديب

عزيزى المسكين اتهمت رجل احسبة من انزة رجالات المطرية فهل لديك بينة ام انك تعرف عنة ما لا اعرفة عزيزى المسكين اعتقد والله اعلم ان الديب لو اخذ شيئاً من احد فكان لوجة الله تعالى ويخرجة كاملاً لمساعدة المساكين فهل انت فى حاجة الى مساعدة ايها المسكين عرف عن نفسك ان كنت على حق واتق الله فليست هذه اخلاق الديب ولا من شيم الحاج صفاء ان يرشى رجالاته وإلا ما إنضممت اليه ولا منحتة ولائى واهلى وعشيرتى عزيزى المسكين اتق الله يجعل لك مخرجاً اخيك ابراهيم الفيومى عبداً من عباد الله لا يخشى فى الحق لومة لائم .