انتخابات المطرية 2010 !!!

الاستاذ معوض جاد يهنى الامة الاسلامية وشعب الممطرية وعين شمس بحلول عيد الفطر المبارك

الاستاذ معوض جاد يدعوكم لمناقشة البرنامج الانتخابى عبر موقعنا الجميل ومعرفة اراء ابناء المطرية وعين شمس

كل عام واهالى المطرية وعين شمس بخير اخوكم معوض جاد

كابتن عصام كتب:الاستاذ معوض جاد يدعوكم لمناقشة البرنامج الانتخابى عبر موقعنا الجميل ومعرفة اراء ابناء المطرية وعين شمس

يا الف اهلا وسهلا بالاستاذ الفاضل / معوض جاد والمنتدى يرحب بكل مرشح كريم يعرف قدر اهل المطريه ويعرف انه جاء لخدمتهم وسوف نظرح موضوع مستق لكل مرشح جاء الينا وعرف ان لنا حق عليه فنحن من رشح نفسه من اجلهم

كابتن عصام كتب:الاستاذ معوض جاد يدعوكم لمناقشة البرنامج الانتخابى عبر موقعنا الجميل ومعرفة اراء ابناء المطرية وعين شمس

اهلا ومرحبا بالاستاذ معوض جاد .
نريد ان نعرف نبذة شخصية مثل السن والمؤهل وسبب رغبتة فى العمل السياسى وقدراتة المالية ومن اين اكتسبها والبرنامج الانتخابى الخاص بة
وشكرا

ياجماعة انا حاسس ان كل واحد هنا بيؤيد مرشح بيمجد فية برغم ان كل المرشحين كويسين ولهم باع كبير فى العمل السياسى والنقابى والدنيوى ولكن المشكلة موش فى التاييد المشكلة كل مرشح حاطط لنفسة اى حلول لمشاكل الدايرة والمفروض ان المرشح او ماينوب عنة يشرح ويوضح لنا حلولة اية لو نجح فى الكم الهائل اللى تركة الاعضاء السابقين واللى من قبلهم لان كل مرشح بينجح بيترك نفس المشاكل للمرشح اللى يلية وهكذا ويمشى نافش ريشة بعد ما يشغل عائلتة وحاشيتة وياخدلة قطعتين ارض او عمارتين وعربيتين ومالهوش دعوة بالمشاكل وبرغم انة ماعملش حاجة بيبقى متمسك بالكرسى وماعنهوش ريحة الدم وعاوز يرشح نفسة تانى ومفتكر ان الناخبين شوية جهلة او مغفلين وهايجيبوة تانى - فانا ارجوا من كل مؤيد ان يسال المرشح بتاعة وهو قريب منة قوى طبعا ويقول لة اكتب اية عن حلولك لجميع المشاكل المتراكمة علشان الناس هتحكم على هذة الحلول وتختار صاحب امثل واحسن الحلول ان يكون نائبا عنهم - موش كل مرشح يحط النياشين بتاعتة وشهاداتة وعائلاتة - لا ويافرحتى طيب ماكل الناس حلوة بس النائب موش بالحلاوة - النائب بدماغة وكيفية سيطرتة وتغلبة على هذة المشاكل ونحن فى انتظار الرد الاشول وزير المطرية

أهالى المطرية وعين شمس
مع الى بيدفع أكثر
يقفو معاه والى يدفع أقل يقولو ده وحش مش بتاع خدمات
عشان مفيش من وراه مصلحة
وميعرفوش أن الى بيدفع ده بعد الأنتخابات محدش هيعرفة ولايشوف وشة
يارب يكون عندنا مبدأ

وعجبى على أهل المطرية

الاخوه الاعزاء ابناء المطريه باعتبارى احد ابناء المطريه ارجو منكم عدم البكاء على اللبن المسكوب ونترحم على ايام نواب المطريه القدامى بمجلس الشعب وعلى ماقدموه وهو اقل من ان يذكر وليس بفخر لان ينسبه احد لنفسه .
اليوم نعتبره عهد جديد وفرصه اخيره لتحصيل مافاتنا من خدمات حرمنا منها ومازلنا محرومين ونعانى منها ولو لم نحسن الاختيار لربما عانا منها ابنائنا من بعدنا .
وبعيدا عن العصبيه القبليه وتحالفات المجاملات والمصالح نرجو وقفه لابناء المطريه لمعرفه ومناقشه مرشحى المطريه عن تصوراتهم وخططهم لتطوير المطريه ومدها بالمرافق الحيويه واصلاح مافسد منها مع ضمان تعهد المرشح ولو بميثاق شرف يلتزم به ويتيح لاهالى المطريه محاسبته حال التقصير .
فهل يوجد من بين مرشحى المطريه من يقدر على فعل ذلك ؟؟
سؤال نود طرحه على مرشحينا ونتمنى انلا نغلق حلقه الحوار هذه ونجعل لها امتدادات نستفيد منها اثناء الانتخابات وبعد الانتخابات ونجعل مصلحه المطريه هى قبلتنا ووجهتنا بكل حب واخلاص .
ارجو الا اكون اثقلت على احد وكلامى غير موجه لاحد بذاته .

كلة بيضحك على كله

الاستاذ اللى كاتب امام الكرداسى اقول له اصحى من النوم فقد انتهى زمن المعجزات ولا مكان للمهاترات نصف عيله الكرداسى هتقف مع الاستاذ ابو عيده اصحى وفوق

نفسى اعرف ليه الاستاذ امام الكرداسى بيصرف المصاريف دى كلها وايه اللى هيستفادو من المجلس الاستاذ امام يعتبر من اكثر المرشحين بزخ وبيدفع مرتبات شهريه لكل من يقف معه بالاضافه الى وقوعه فى براثن سماسرة الانتخابات واستنزاف امواله يا استاذ امام خليك فى تجارة الاراضى احسن وركز فى شغلك ووفر ملاينك كده كده ناجح جلال هو اللى جاى حزب ونشكركم على حسن تعاونكم معنا

نعم للاستاذ حمدى الكرداسى رمز الشباب وجميع عائلات الكرداسى تؤيد الشاب الجرئ حمدى الكرداسى ومفيش كرداسى تانى حمدى واحد بس الكرداسى واحد بس

يا استاذ كرداسى العلم بى الشى ولا الجهل بة الاستاذ امام لا يمكن يجى حزب لان اوراقة لم تستكمل ازاى يجى حزب وبعدين مرة تقول امام وبعدين تقول مفيش كرادسة غير حمدى احسن حاجة تعملها تقول نعم للاستاذ معوض جاد مرشح الشباب

انا بأحيى الآستاذ النجم على كل الكلام الى قاله

قام الحاج صفاء برعايه دوره ثري بويز لتنس الطاوله خلال شهر رمضان الكريم

وما جذب الحاج صفاء لرعايه تنس الطاوله في طليعه الدورات المزمع القيام بها تحت رعايه الحاج صفاء هو انه لمس حب الاهالي في المطريه للعبه تنس الطاوله وانتشارها بين قطاع عريض من جماهير المطريه
ووقع اختياره على صاله ثري بويز للالعاب نظرا لما لمسه من حب اصحابها للرياضه وتشجيعهم لها بلا غرض الا نشر الرياضه في المطريه
وقد سر الحاج صفاء وجود هذا الاداء المتميز لاصحاب الصاله وضمها لنخبه من المثقفين والواعين على سبيل المثال لا الحصر السيد محمد الديب والسيد محمود الديب والسيد سيد الديب والسيد محمد عباس وعلى راس هؤلاء المهندس هاني الديب الشخص المثقف الواعي المحب للرياضه من اجل الرياضه

كل هذه العوامل شجعت الحاج صفاء على اختيار صاله ثري بويز لتنطلق منها باكوره الدورات الرياضيه تحت رعايته

ولقد شهد الحاج صفاء الدوره وقام في نهايتها بتكريم المتميزين من الشباب والاطفال وتسليمهم الهدايا العينيه وسط احتفاليه جميله في ثوب جديد لم تشهده المطريه من قبل
فلاول مره نجد البروجيكتور ونجد هذا الالتفاف الجميل الذي يعبر بحب وتلقائيه عن اقتناع اهالي المطريه بالحاج صفاء وفي المقابل تعهد الحاج صفاء على نفسه بتكرار هذه الدوره دائما لان مبتغاه هو ان يرى السعاده التي كانت على وجوه اهالي المطريه مرات ومرات
وهذا الفيديو لحفل ختام الدوره وتوزيع الجوايز

وهنا انسب فرصه ليسجل الحاج صفاء شكره للمهندس هاني الديب على ثقافته ووعيه واهتمامه بالرياضه بلا غرض

وانتظرونا في الدوره التاليه لتنس الطاوله قريبا برعايه الحاج صفاء

يا استاذ ابراهيم اشمونى مين اللى انت جى تقول عليه
احنا بنقول نعم للتغيروليس نعم للتعتيم
الاشمونى خلاص راحت عليه من بعد ما نجح الدورة اللى قبل اللى فاتت وادى بالجزمه لكل من سانده وواقف بجواره
وفكر فى نفسه بس وازاى يرجع تمن الشقه التمليك والمحل اللى باعهم على الانتخابات ولما ربنا راضه وعمل ملايين حس ان الكرسى لا غنى عنه وعلى فكرة انا اكتر واحد كنت بحب عاطف واكتر واحد دفعت عنه
لكن للاسف مكنش فى محله لا حبى ولا دفاعى مع الاعتراف بلباقته لكن حب النفس عنده يغلب على كل افكاره
هو عذب اللسان فقط ولكن من جوه اسود اوى
واسأل كل من سانده وواقف بجواره الدورة اللى نجح فيهاوعلى رأسهم الاستاذ صلاح واسأل عم الاشمونى نفسه عن الاستاذ صلاح فياريت نقول كلنا نعم للتغير
لا للى فات بدون فايدة مع تقديرى واحترامى للاخ ابراهيم

احيك اخى ابراهيم لحبك للاشمونى ولكن ماذا فعل الاشمونى غير الكلام الجميل اللذى هو بارع فية وانا مع المخلص فى راية نعم للتغير والاستاذ معوض جاد شاب محترم واتا اعرفة جدا وعن قرب واجد فية انة من اصحاب الايدى البيضاء فيجب ان نساند كل محترم

بأسم أهالى المطرية وعين شمس نؤيد ونذكى
بكل حب وتقدير المرشح الشاب أ/معوض جاد
صاحب الأيدى البيضاء
والفكر الجديد للشباب.

أنا قرأت كل التعليقات بخصوص الإنتخابات وإتلقيت كل واحد فى أغلب المرشحين ذاكر إسم عائلتى إنها معاه فى الإنتخابات هو الناس ده ليه بتنافق وبتكذب يا رب الناس تكون صادقة فى كلامها من الأدب والإحترام لعقول الناس
ربنا كريم وإنشاء الله يولى من يصلح

مع كامل احترامى انا اؤيد الاستاذ ابراهيم فى كلامو عن الاشمونى وكل شارع نجيب معوض معاك يا اشمونى متفرحوش اوى بكلمة التغيير المهم الشخص نفسو زكريا عزمى عضو مجلس شعب من سنه 85 والاميريه والزيتون كانت زباله معملهمش فى يوم وليله لحد ما وصلت الاميريه دلوقتى انها تكون احسن من مصر الجديده بلاش المصالح الشخصيه يا استاذ مخلص تسيطر علينا ودوره واحده لاتكفى فى المطريه

انا سمعت الاشمونى فى مؤتمر جماهيرى كبير قد ايه الراجل ده مثقف ولبق فى الكلام وبيعرف يعبر عن الناس وهو ده اللى مطلوب مش مطلوب واحد بلطجى ولا حرامى يكفى ان يمثلنى ويكون واجهة مشرفه لكل ابناء المطريه
يا جماعه ارجوكم تقيمو الراجل ده بكل امانه ونديلو فرصه تانيه حتى لو كان غلط لانو بجد ناوى يعمل حاجه للناس وكل الناس بتغلط وخير الخطائين التوابين وربنا يولى من يصلح

انا اؤيد بكل الحب ابن عزبة النخل الحاج خالد الزقله واؤيد بكل الحب الاستاذ عاطف الاشمونى