انتخابات المطرية 2010 !!!

reheema كتب:الدكتور العزيز مجدى قرأت بإستمتاع غريب كل سطر وكلمة كتبتها
واستمتعت قبلها بالاسئلة المميزة التى كتبها شخص قدير مثلك تماما
كما نستمتع بحوار بين مهاجم فنان قدير ومدافع صلد كالصخرة
واشفقت على المطرية ان يكون بين ابنائها من هم على قدرك علما وخلقا
ويظلوا بعيدين عن مراكز اتخاذ القرار والمسؤلية
وخطر على بالى ان نكون هنا مجلس لحكماء المطرية
ممن نثق فى آرائهم ونثمن غاليا نظرتهم الثاقبة للأمور
تكون انت على رأسه او من اوائل مؤسسيه
فليس من الحكمة ان تظل المطرية بعيدة عن ابنائها المخلصين
وايضا لا يليق بأبنائها ان يتركوها ويضنوا بعلمهم ورأيهم عليها
دمت بكل الخير
وفى الاخير اقول لك انت صاحب المنتدى ونحن ضيوفك
فأنا عضو اسهر على راحة اعضاء المنتدى واحميه من اى شطط
او خلل فنى او غير فنى فهو عمل بديع لمبدعى المطرية ولا شئ اكثر من ذلك

السيد المحترم الاستاذ رحيمه
تحيه وتقدير واحترام لمجهودك العظيم الذي تبذله من اجل رفعه حي المطريه وتوعيه شبابها بالدور المنوط بهم القيام به
وشكرا لفتح هذه المساحه الحره لكي تكون متنفسا شرعيا لاهل المطريه .
كما اريد ان اشكرك بشده على اطراءك على شخصي المتواضع والاسئله التي قمت بطرحها على د-مجدي والذي اعتب عليه تجاهله لمعظم الاسئله ذات الشقين ولكني اطمح انه مع مساحه المناقشه المفتوحه ستتم اجابه الاسئله كلها باذن الله

واسمح لي من هنا ان احييك على فكرتك الرائعه بانشاء مجلس حكماء المطريه
والذي اطمح لهذا المجلس ان يكون تجربه ديموقراطيه صغيره نقوم بعملها
واسمح لي باقتراح ان تقوم انت بطرح عده اسماء لمجلس الحكماء على المنتدى وان يقوم الاعضاء بالتصويت لاختيار اعضاء المجلس على ان يتكون المجلس في النهايه من اعضاء مختارون من قبل اعضاء المنتدى الذين هم ابناء المطريه

شكرا لك على سعه صدرك وكرم ورفعه اخلاقك

هاني المهندس كتب:

بسم الله الرحمن الرحيم
انا احب اقول للاستاذ ادهم يا استاذ ادهم الدكتور مجدي عنده من الجرأة ان يعلن عن نفسه
اما انت انااسف ان اقول لشخص حضرتك انته مين لو عندك من الجرأة ان تقول انته مين بعد كده
يبقي من حقك ان تسأل

حضرتك بتسالني انت مين وانا برد واقولك انا ابن من ابناء المطريه ومشترك في منتدى المطريه والواضح انك جديد على عالم المنتديات فالمنتدى يا صديقي زي النادي بنتقابل فيه ونختار الموضوع اللي نحب نشترك فيه بكل حريه انا حر طالما لم اضر
وانا لما سالت دكتور مجدي بعض الاسئله ده كان توسما فيه انه على قدر من الوعي والفهم وطمعا في ان تثري مناقشتنا الحره صفحات هذا المنتدى ليكون مرجعا عبر السنين لكل من يريد ان يشاهد تجربه حيه للمناقشه الحره النزيهه عن اي اغراض.
واعتقد ان المنتدى ماحطش شروط معينه لاي حد علشان يسال او يشارك
واسمحلي اسالك انت بتتكلم نيابه عن دكتور مجدي بصفتك ايه؟
خلينا متفقين ان د مجدي عنده من الشجاعه الادبيه والجرأه والثقافه ما يجعله يجيب اي استفسارات ومع احترامي ليك هل د مجدي فوضك ترد بالنيابه عنه لظروف خاصه لا نعلمها . اذا كان نعم فاتمنى ان لا تطول هذه الظروف لاننا نستمتع باسلوب د مجدي الرشيق

وبعدين انت قلتلي اني مش من حقي اسال الا لما اعرف نفسي رغم انك اديت لنفسك الحق ده لما سالتني من غير ما تعرف نفسك

وبالمناسبه اسمك يتشابه مع السيد :هاني المهندس الشهير بالوريث

فهل انت الوريث ولا تشابه اسماء؟

لانك لو الوريث وبتكتب انت نهايتها تاء مربوطه يبقى عليه العوض

ادهم كتب:

ادهم كتب:

السيد المحترم الاستاذ رحيمه
تحيه وتقدير واحترام لمجهودك العظيم الذي تبذله من اجل رفعه حي المطريه وتوعيه شبابها بالدور المنوط بهم القيام به
وشكرا لفتح هذه المساحه الحره لكي تكون متنفسا شرعيا لاهل المطريه .
كما اريد ان اشكرك بشده على اطراءك على شخصي المتواضع والاسئله التي قمت بطرحها على د-مجدي والذي اعتب عليه تجاهله لمعظم الاسئله ذات الشقين ولكني اطمح انه مع مساحه المناقشه المفتوحه ستتم اجابه الاسئله كلها باذن الله

واسمح لي من هنا ان احييك على فكرتك الرائعه بانشاء مجلس حكماء المطريه
والذي اطمح لهذا المجلس ان يكون تجربه ديموقراطيه صغيره نقوم بعملها
واسمح لي باقتراح ان تقوم انت بطرح عده اسماء لمجلس الحكماء على المنتدى وان يقوم الاعضاء بالتصويت لاختيار اعضاء المجلس على ان يتكون المجلس في النهايه من اعضاء مختارون من قبل اعضاء المنتدى الذين هم ابناء المطريه

شكرا لك على سعه صدرك وكرم ورفعه اخلاقك

الاستاذ الفاضل /ادهم نحن لا نقابل كل يوم احدا من الاعضاء المميزين وعليه فعندما يدخل المنتدى عضو مميز مثلك فيجب علينا ان نعطيه حقه من الترحيب والتقدير ومن خبرتى المتواضعة فى المنتديات اعرف ان العضو المميز ليس فقط من يجيب بكفاءة وقدرة ملحوظتين على الاسئلة بل ايضا من يطرح تلك الاسئلة بحيث يحيط بكافة جوانب الموضوع ولا يترك نقطة فى خيال القارئ او سؤال الا وطرحه وانت فعلت ذلك بكفاءة تحسد عليها فقدمت للمنتدى مساهمة قيمة بمعنى الكلمة

اخى الكريم بالفعل نحتاج الى مجلس لحكماء المطرية وتصورى اننا سنصل اليه بمرور الوقت وبمجهود كل فرد بالمنتدى فالمنتدى الذى اجتذب اعضاء كالدكتور مجدى بلا ترتيب مسبق او اتفاق سيصل بإذن الله الى اليوم الذى يعرف فيه الجميع اسماء هذا المجلس حتى قبل ان نجرى استفتاء عليهم
اشكرك مرة اخرى واتمنى ان تثرى منتداك بأفكارك ومساهماتك القيمة انت وكل الاخوة المميزين بالمنتدى الوليد .

أبو فاروق وعائلتة يؤيدون بكل الحب والتقدير
مرشح الشباب معوض جاد

ياجماعة عايز اخذ رايكم في كل من عماد فتحي التركي مرشح الشباب وعاطف الاشموني مين فيهم افضل ولماذا ولو اي حاجة صغيرة ياريت اعرافها

انا احب اهنئ الاخوه المسلمين بشهر رمضان الكريم وكل سنه وانتم طيبين

وحيث ان تجمعنا ده عنوانه انتخابات 2010 فانا احب اقولكم اني فرحان بتجمعكم وكلامكم ومناقشاتكم وان كان اخر كام صفحه شايف فيهم شده اعصاب زياده عن اللزوم يعني يا جماعه بلاحظ زي ما تكونو بتتلككوا لبعض على الكلمه

انا وجهه نظري ان كل واحد حر في الحديث عن المرشح اللي يؤيده من غير ما يجرح في المرشحين الاخرين او يقلل منهم

يعني انا شخصيا اؤيد الحاج صفاء وبالرغم من اني قبطي لم اجد اي حرج اني اؤيده لاني فعلا شايف انه خير من يمثل المطريه على مقعد الفئات لانه راجل محرم ومثقف وبيحترم الكل وماعندوش فرق بين غني وفقير ولا فرق بين مسلم ومسيحي راجل شفت حواليه جميع الفئات من المثقفين والاطباء والمهندسين الى العمال والحرفيين الكل يؤيده بحب واقتناع

وانا فعلا اتمنى اني الاقي شخص زي عقليته بيمثلنا على مقعد الفئات

الاشمونى هو النائب البرلمانى الوحيد فى المطريه فهو يمثل جميع فئات المطريه ويكفى انه يغزى العقول ولا يغزى البطون لظن كلامى واضح

لم اكن اعرف الاشمونى من قبل ولكنى استمعت اليه فى احد اللقاءات وشاهدت كلماته فى مجلس الشعب انه فعلا نائب جرئ وقوى وصاحب فكر

الاستاذ عاطف الاشمونى من افضل الشخصيات على مستوى مصر والله العظيم انا مفيش بينو وبينى اى مصالح بس نفسى الراجل ده يمثلنى فى المجلس لانو بجد راجل محترم لا يشترى الزمم ولا يتحدث بلغة المال ودى شهاده لله وانا صائم وانا معجب بالكابتن عصام جدا ونفسى اشارك فى المنتدى

رامى كتب:الاستاذ عاطف الاشمونى من افضل الشخصيات على مستوى مصر والله العظيم انا مفيش بينو وبينى اى مصالح بس نفسى الراجل ده يمثلنى فى المجلس لانو بجد راجل محترم لا يشترى الزمم ولا يتحدث بلغة المال ودى شهاده لله وانا صائم وانا معجب بالكابتن عصام جدا ونفسى اشارك فى المنتدى

سجل نفسك فى المنتدى وعندما يطلب منك فى التسجيل كتابة عنوان البريد الالكترونى الخاص بك اكتبه ثم اذهب الى بريدك الالكترونى وفعل اشتراكك بالدخول على الوصلة التى بالرسالة التى ستصلك على بريدك الالكترونى ... بذلك انت عضو دائم لدينا لك ما لنا وعليك ما علينا .

اولا يسعدنا زيارتك للمنتدى يا استاذ رامى ونتمنى اكثر منك انضمامك الينا واشكرك على الاعجاب بشخصى المتواضع

فكره طيبه من على منتدى الجمره اقترحها السيد حقانى
وهى قابله للتعديل والاضافه وقد قام سيادته بتقييم بعض المرشحيين من منظوره وسقطهم طبعا لكن لاباس نحاول تحياتى د-مجدى
يلا بينا
نقيم المرشحين
من حيث صلا حيتهم للعضويه من عدمه
بسم الله الرحمن الرحيم
نبداء
كل واحد يذكر أسم ويقيمه

وعلشان منتوهش
نتفق الأول على معيار التقيم
1\ هل المرشح مقيم فى المطريه أو عين شمس من عدمه
2\ هل المرشح يصلح لتمثيل الطبقه التى ييمثلها من عدمه
يعنى مرشح عمال هل يصلح لتمثيل العمال وهكذا
3\ الخبره السياسيه للمرشح
4\ التاريح الشخصى للمرشح
0\ جماهيريه المرشح
6\ غرض المرشح من ترشيح نفسه
ولو كانت هناك معاير أخرى رجاء أضافتها
ثم بعد ذلك نبداء فى عرض الأسماء

سوف نعطى لكل معيار
الدرجه النهائيه له من 10
فقد يحصل مرشح فى سؤال على 5 من 10
وفى سؤال أخر على 10 على 10
وفى النهايه العبره بمحموع الدرجات
_________________نموزج تقيم
مثلا
المرشح
حقانى عبد الحق حقانى
1\ هل المرشح مقيم فى المطريه أو عين شمس من عدمه
10\10
2\ هل المرشح يصلح لتمثيل الطبقه التى ييمثلها من عدمه
يعنى مرشح عمال هل يصلح لتمثيل العمال وهكذا
10\10
3\ الخبره السياسيه للمرشح
0\10
4\ التاريح الشخصى للمرشح
0\10
0\ جماهيريه المرشح
0\10
6\ غرض المرشح من ترشيح نفسه
0\10
هذا يعنى أن حقانى قد حصل على 20 درجه من 60
أى أقل من النصف أى أنه لايصلح لعضويه مجلس الشعب


حقانى عبد الحق حقانى

رفعت كتب:انا احب اهنئ الاخوه المسلمين بشهر رمضان الكريم وكل سنه وانتم طيبين

وحيث ان تجمعنا ده عنوانه انتخابات 2010 فانا احب اقولكم اني فرحان بتجمعكم وكلامكم ومناقشاتكم وان كان اخر كام صفحه شايف فيهم شده اعصاب زياده عن اللزوم يعني يا جماعه بلاحظ زي ما تكونو بتتلككوا لبعض على الكلمه

انا وجهه نظري ان كل واحد حر في الحديث عن المرشح اللي يؤيده من غير ما يجرح في المرشحين الاخرين او يقلل منهم

يعني انا شخصيا اؤيد الحاج صفاء وبالرغم من اني قبطي لم اجد اي حرج اني اؤيده لاني فعلا شايف انه خير من يمثل المطريه على مقعد الفئات لانه راجل محرم ومثقف وبيحترم الكل وماعندوش فرق بين غني وفقير ولا فرق بين مسلم ومسيحي راجل شفت حواليه جميع الفئات من المثقفين والاطباء والمهندسين الى العمال والحرفيين الكل يؤيده بحب واقتناع

وانا فعلا اتمنى اني الاقي شخص زي عقليته بيمثلنا على مقعد الفئات

انا بحيي الاستاذ رفعت على روحه الطيبه واللي مش بعيده عن اهالي المطريه اللي عمرنا ما حسينا فيها بفرق بين مسلم ومسيحي
وانا معاه في معظم الكلام اللي قاله عن الحاج صفاء
فهو فعلا انسان على درجه عاليه من الثقافه وعنده قبول رباني وبيتمتع باحترام وحب الكل بالاضافه الى حكمته في تناول الموضوعات وحلها .

لكن يا جماعه مش شايفين ان ترشيح اتنين من عيله واحده واحد على مقعد العمال وهو الحاج ميمي وواحد على مقعد الفئات وهو الحاج صفاء ده فيه استفزاز كبير لباقي عائلات المطريه ؟ ؟ ؟ ؟

ومع كامل احترامي وتقديري للاتنين انا رائيي الخاص هو ان الحاج ميمي هو النائب الحالي ونكن له كل احترام والحاج صفاء رجل محترم ويتمتع بحب كل اللي حواليه لكن ماينفعش الاتنين يعملوا كماشه على المطريه حتى لو فيهم الاصلح لازم المنافسه تكون اوسع من كده وده لصالح المطريه ..........

عزيزى استاذ محمود عيسى الفيصل هنا انا وانت وجموع الناخبين حتى لو نزل عشرة من عائلة واحدة المهم انت هتدى مين صوتك وبعدين هى جت على مقعد ثانى فى مجلس الشعب يا عمى والله برغم احترامى وتقديرى على المستوى الشخصى لشخص النائب الحاج ميمي ولكن بص حضرتك كويس وانت تشوف ان النائب منطاوى ورئيس المجلس المحلى منطاوى والامين المساعد للحزب منطاوى حتى رئيس نادى المطرية بالتعيين منطاوى هتفرق فى اية بقى ان يكون مقعد الفئات من نفس الاسرة هو مش احنا اسرة واحدة ولا اية

ايها السادة بدون اى تحيز وببعض التفكير وبعض الهدوء تخيلوا كل واى مرشح يعرض نفسة يقول عن نفسة انة عمل كل حاجة فى المطرية(انابيب الغاز-الانارة مش منطقتة ولكن للمطرية ككل-الخبز-بل البعض قال انة هو اللى عمل الكورنيش -ومجمع المدارس ) وحاجات كتيرة وكأنهم يخاطبون جهلاء كفاكم

مجدى الوراقى كتب:ايها السادة بدون اى تحيز وببعض التفكير وبعض الهدوء تخيلوا كل واى مرشح يعرض نفسة يقول عن نفسة انة عمل كل حاجة فى المطرية(انابيب الغاز-الانارة مش منطقتة ولكن للمطرية ككل-الخبز-بل البعض قال انة هو اللى عمل الكورنيش -ومجمع المدارس ) وحاجات كتيرة وكأنهم يخاطبون جهلاء كفاكم

استاذ مجدى طيب حضرتك شايف مين اللى عمل