ياشعب حاسب :::

اطلـَع ياحُـسـنى قول لِـنا
سامحوا نسامحك
أصل انتَ مَصرى زَيـِّنا
حَـتـَّى ف مَلامحَـك
بَـس انتَ ناهِب حَـقـِّنا
وازَّاى نِـصالحَـك
***
كـُنت انتَ تاكـُل
والجَـميع مِـش لاقِى لـُقمَة
كـُنت انتَ تِـلـبـِس
والجَـميع مِـش لاقى هِـدمَة
طول ماانتَ شايـِف
مِـش مُـهـِم الباقِى يـِعـمَى ..!
***
كـُنت انتَ تاخـُد رِزقِـنا
تِـدِّيه لِـناسَـك
وان يوم فـَتـَحنا بُـقـِّنا
تِـنزِل بـِفاسَـك
طول السنين بـِتهـِدِّنا
وتـقـيم أساسـَك
***
بَـس المِـسامِح رَبـِّنا
لـَو كـُنت عايـِز
رَجَّـع حـقوقـنا كـُلـِّنا
يـِمكِـن وجايـِز ..!
نِـصفـَح ونِـفـتـَح قـَلبـِنا
وانتَ اللى فايـِز
***
هات اللى كـُنت مهـَرَّبُـه
رَيَّـح ضـَميرَك
فوق المَلايكـَة بيـِحـسِـبوا
والموت مَصـيرَك
وازَّاى تدوم لـَك ؟ ،
عُـمرَها دامِـت لِـغـيرَك ؟!
***
نـَفـَّض جـيوبَـك م الرَّصيد
إنتَ ورجالـَك
وابدأ معانا مِن جـِديد
كـَمِّـل نِـضالـَك
دا الفـَجـر هالِـل مِـن بَـعيد
وبـإيـد عِـيالـَك
***
الله عَـليكـُم ياشـَباب
مَـصر العَـظيمَة
أحلِـف بـِرَبى والكتاب
إنـتـُم غـَنـيمَـة
وانتوا اللى فـُزتوا واللى خاب
( شـَمـشـون ورِيـما )
***
ياخـَلق فـوقوا وافهـَموا
أصل الحِـكايَة
لـَمَّـا النهاردَة تسَـلـِّموا
تِـبقـَى النـِّهايَة
والحَـق نِـبقـَى بنِـعـدموا
وتكون بـِدايَة
***
لِـلظـُّلم تانِى مِن جـِديد
وِلكـُل غاصِـب
يـيجـِى القـُرَيـِّب والبَـعيد
ياخدوا المَناصِب
حاسِـب عَـلـَى الفـَجر الوَليد
ياشـَعب حاسِـب ...!

أخر خبر أتنشر عن كذا مليار
ثروة مبارك وعيلته الشرفا والأطهار
اللى مرد بكلمه ينفى بيها التهمه
وكأن الكلام عن حرامى
تهموه فى حمل خيار !!
ياويلك من الله ياظالم
فى يوم حساب وميزان
لما تقف مفضوح
والمستخبى يبان
ولاحيلتك مدافع ولاشافع
وأنت البعيد عريان
ساعتها راح تكتشف
إن اللى عشته سراب
وجهنم هتصبح مستقرك
ولك من حميمها شراب

مبارك اللي كان في البلد
يعمل كما بيريـــــــــد
وكأنه يوم مااتولــــــد
حطـــوه لوحدُه بعيـــد
علشان مفيش فيه ولـد
زيُّه ف مرونــة الدود
قالوا هيقدر يكـــــــون
رئيس لئيــــم نمــــرود
واما كبر واتسعــــــر
وطلعلــُه ناب وخدود
إدوله كل البلـــــــد
كله جديــد ف جديــد
وامـــــا بقى محترف
وبقى رئيس وابتـــــدا
مالـُه يزيــد ويزيـــد
لكن إلاهك وعـــــــد
عُمر الحرام ما يفيـد