اهداء لعمر موسى

مستحيل الشمس ..


ح تغيب يوم عن المحروسه


والا ينسى فـ يوم ..


تاريخ الدنيا أبداً عمرو موسى!!


فى البدله أشوفه أقول عليه باشا


فى الجلابيه ..


أتخيله فلاح !!


والمح فى تقاطيع وشه البشاشه


ألقاه دخل قلبى ..


وقعد وارتاح !!


**********


بيعشقه كل البشر


والشمس والليل والقمر


وبتعشقه حتى السنابل ..


والبلابل والشجر


وبتعشقه حيطان البيوت


والنيل ..


وشجر التوت


والأهرامات حجر .. حجر !!


*********


رغم الفساد


وعتمة الضلمــه !!


رغم الضباب واليأس والغمـه !!


وشباب عرب ضايع بلا همـه !!


وشطاره فى تجاره بلا زمــه !!


رغم اعتقال حرية الكلمــــــه !!


والقهر من حكام عرب ظالمه !!


هو أمل كل العرب تـمّــــــــه !!


واحد ولكن ..


فى النضال" أمــــــــــــــــــــــــه" !!؟؟


********


قاللى صديقى..


الريح شديد ....


والعود أكيد راح ينكسر ..


أو ينعصر!!


وح يعمل ايه ( موسى ) يا صاحبى تفتكر !؟


وح تعمل أيه ( الماشطه )..


فى الوش العكر !؟


***********


مابقاش خلاص فى الناس حيا


مابقاش فيه حد بيستحى


وكل شىء حلو فـ حياتنا..


من حياتنا..


حبّه حبّه بيتمحى!!


ماتقولش ليه مات الضمير ..


هو الضمير من أمتى يعنى فـ يوم صحى !!؟؟


****************


خرس الكلام فى الناس


خلص الكلام وخلاص


صبحوا عبيد للخوف ..


ولذلة الإحساس!!


فى دنيا..


صبح ( الجبن ) فيها مملكه ..


والظلم ..


سلطان من النحاس !!؟؟