ياللا العجب اسمع وشوف

ياللا العجب اسمع وشوف
بلدنا عايشة من الوف
وفى التاريخ اصلها معروف
وشعبها دمه خفيف
جولها ناس قالوا يحكموها
يوم مبارك يوم ماجوها
قاموا فى البرك رمواها
من فسادهم يالطيف
قولنا طب غوروا وسيبوها
عايزين الكره يعيدوها
بجمالهم ح يراظوها
ابو اش اش الظريف
بالزبالة زبلوها
وسخوها وطينوها
وحكومة عبيد باعوها
بثمن بخسف وسخيف
واما حزنت مرماتوها
توبها الاخضر قلعوها
جنب صفوت الشريف
قامت اعترضت خدوها
فى سجونهم قيدوها
عذبوها وبهدلوها
والحبيب راجل عنبف
راحوا على الرصيف سابوها
جنب غالى قعدوها
من ديونها ياناس غيثوها
قال هاتوا حق الرصيف
قالوا للعز ابعتوها
بالفلوس ح يعززوها
يرحموها ويكرموها
قال راح ابنلكم كنيف
ده بلدكم ليه تهينوها
تسرقوها وتنهبوها
بسرور طب فرحوها
قالوا مابيدش رغيف
اصحوا يالله وانصفوها
والمجارى نظفوها
اطردوهم وارحموها
وياخدوا فى ايديهم نظيف