عرايس في عمر الزهور

عرايس في عمر الزهور
حد عاوز يختار ؟؟

ياماااااامااااااا انا مش لاقيه حاجه اقولها غير كده اكيد دة رد بذكاء على موضوع نصائح للمتزوج من اثنين او حضرتك زعلانه من حد فى المنتدى فقررتى الانتقام

أنا شايف انها خلّيتنى أفكر بسرعة فى الجواز
الدكتاتور العادل




توضيح للرد على الاستاذة الفاضلة\فاطمة والاستاذ الفاضل\المتابع
يا جماعة انتم فهمتونى غلط انا قولت الجواز موش الزواج اقصد جواز السفر عشان ألحق أهج بسرعة من البلد اللى فيها العرايس ديه
الدكتاتور العادل

ليه بس يا حبيبتي ربنا يكفينا شر الانتقام
انتي ماتبصيش عليهم دلوقتي تخيليهم من خمسين سنه هتلاقي انهم كانو زي القمر
والورده لو دبلت بردوا ريحتها فيها ولا ايه
ودليل علي كلامي رد د \ الدكتاتور العادل
وهو اول المتقدمين لاجمل عرايس

يانهار ابيض هي دى أخرتها ياأستاذه فاطمه -- علشان الاستاذ احمد الحريف كان بيفكر يقول نصائح للرجاله الغلابه إللي عايزين يتجوزوا لثانى مره يكون هذا الرد-- انا كل اللي مزعلنى ان الورد كان لونه ابيض من الخضه بقى كله بنفسجى -- وبالنسبه لرأي طبيبنا الدكتاتور العادل اعتقد انه شخصى وغير معبر عن الاغلبيه مثلى لاننى صرفت النظر عن الثانيه وهفكر الغى الاولى من جمال من فى الصوره --
-_ ** م / محمد صلاح الدين

أنا قلت النصائح لأني كنت ناوي أتزوج تاني ولكن الله يسامحك يا أخت فاطمة هي ده العرايس اللي أشوف منها زوجه تانية
ولا المدام بتاعتي أديتك هذه الصور لتعرضيها عليه
على العموم متشكر خالص
أنا حرمت
أخيكم
أحمد الحريف

الأخوة الأعزاء \ د \ الدكتاتور العادل
م \ المتابع
م \ أحمد الحريف

ليه كده بس . أفهم من كلامكم ان العرايس مش عجباكم !!!!
علي العموم الفرصه دي مش هتتكرر تاني
واتمني ان كل واحد يفضل عند كلمته
ماعدا الدكتاتور العادل طبعا ماينفذ عمليه الهروب

فاطمة فيصل

<علي العموم الفرصه دي مش هتتكرر تاني>
الله يطمنك قال ايه عرايس دى عرايض ادعاء بالشروع فى القتل
الدكتاتور العادل

اين هذه الروح الجميلة لماذا اشعر بفتور الهمم فى منتدانا الرائع رايت معظم الاسماء المحببة الى قلوبنا فى الله ولم ارى موضوع واحد جديداشعر ان الاستاذ احمد الحريف والاستاذ احمد عامر هما السبب بعد المشكلة الاخيرة فارجو من اخونا احمد بصفته مدير للمنتدى ان يتصرف برقتة وحكمتة للتصرف فى هذا الموضوع واقترح ان من يظل على عناده نكتب كتابه على واحدة ولا اتنين ولا خليها تلاتة من العرايس دول واكيد الاستاذة فاطمة هتعرف تجيبهم لنا على ميعاد كتب الكتاب ومبروك مقدماولولا امتحانات الاولاد كنت رحت جبت الماذون وجيت بس ملحوقة فى الزفة ان شاء الله
بجد انا كرهت كل فساتين الافراح لا وايه اللون الابيض نفسه

هههههههههههه انا عايز اللى واقفه فى النص هما فعلا عرايس فى عمر الزهور بس زهور الجميز واكيد وصلو لمرحله الزهايمر وخصوصا نمرهع اتنين من اليمين باين عليها مش دريانه بحاجه ومش فاهمه فيه ايه وانا بقول للدكتاتور العادل الف مبروك مقدما لانى سمعت انه بيجهز جواز السفر بتاعه ويظهر رايح الصين

عرايس دول ولا جر شكل

////////

لالالالالالالالالالالالالالا زهايمر اية دول زى الفل وحضرتك عارف ان الوردة لو دبلت برضة رحيتها فيها وعموما الى فى النص محجوزة

هما اه فى عمر الزهور بس زهور الجميز

انا معاكى ان دبلت الورده ريحتها فيها بس اعتقد ان دول وصلو لمرحله الا ريحه وهما الصراحه عاجبنى بس حسيب الدكتاتور العادل يختار الاول لانى سمعت انه بيجهز جواز السفر ورايح الصين وده احسن حل ليهم لان اللى يجوزهم لازم يكون معاه طقم دكاتره او يكون دكتور

واكيد اللى حيجوز منهم حيبدء من تانى يوم رحله العلاج

هبة الله كتب:اين هذه الروح الجميلة لماذا اشعر بفتور الهمم فى منتدانا الرائع رايت معظم الاسماء المحببة الى قلوبنا فى الله ولم ارى موضوع واحد جديداشعر ان الاستاذ احمد الحريف والاستاذ احمد عامر هما السبب بعد المشكلة الاخيرة فارجو من اخونا احمد بصفته مدير للمنتدى ان يتصرف برقتة وحكمتة للتصرف فى هذا الموضوع واقترح ان من يظل على عناده نكتب كتابه على واحدة ولا اتنين ولا خليها تلاتة من العرايس دول واكيد الاستاذة فاطمة هتعرف تجيبهم لنا على ميعاد كتب الكتاب ومبروك مقدماولولا امتحانات الاولاد كنت رحت جبت الماذون وجيت بس ملحوقة فى الزفة ان شاء الله
بجد انا كرهت كل فساتين الافراح لا وايه اللون الابيض نفسه

اختي العزيزه \ هبه الله
من الواضح انك لاتتابعي جيدا مواضيع المنتدي فهو كما هو بل في ازدهار اكثر منذ الركود الذي اصابنا جميعا منذ الثورة العظيمه والاحداث الكثيره التي نمر بها جميعا
اما عن الخلافات التي تحدثتي عليها فأطمنك انه والحمد لله لا يوجد خلافات بين أعضاءالمنتدي ولكن ما هو الا إختلاف في الرأي وكما تعلمين فالأختلاف في الرأي لا يفسد للود قضيه وهذا شئ صحي جدا بين الاصدقاء

فاطمة فيصل

اختى فى الله الاستاذة الفاضلة فاطمة لقد دخلت عدت مرات فلم اجد مواضيع جديدة وحتى ان وجدت موضوع لا اجد ردود عليه كثيرة ولاحظت وجود اسماء عديدة ولكن بلا مواضيع باستثناء مواضيع حضرتك والاستاذ اخونا احمد وشعرت ان فية ربما فجوة او فترة هدنه ولا اخفى عليكى انا كنت فى حالة اكتئاب شديدة بسبب الاحداث فى بلدنا الحبيبة وعندما دخلت المنتدى الرائع شعرت بدبيب من الامل واحببتكم جميعا فى الله والله على ما اقول شهيد وضايقنى جدا المشكلة بين الاستاذين لانها لاتستحق فعند الدخول للمنتدى يكون مكتوب استعراض المواضيع الجديدة منذ اخر زيارة وبعدين انا بحثت عن مواضيع لاى منهما فلم اجد فقلت احرك المياة الراكدة شوية عشان ميبقاش مشاكل فى البلد وكمان فى المنتدى والحمد لله ان حضرتك قلتى ليس هناك خلافات ويارب ما يكون فية خلافات لانكم كلكم رائعين وربنا ما يحرمنا كلنا من بعض ويطمئنك دايما بالخير


بس مين العرايس دول

السيده الفاضله مدام هبه والسيده الفاضله مدام فاطمه انا سعيد بكما وبجميع اعضاء المنتدى الكرام اللذى واضح جدا انهم اشخاص فى منتهى الظرف والاخلاق والامانه وانا اشكرك يا مدام هبه على حبك وانتمائك الواضح للمنتدى وانت معك كل الحق فهو ليس منتدى عادى فهو منتدى اقليمى يجمع سكان حى المطريه الكرام من جميع مناطقها واللتى تجمعهم هموم واحده وايضا جيره ومصالح مشتركه وهى الارتقاء بالحى العظيم وكلنا فى المنتدى نحاول ونحب ان يكون هذا المنتدى بوابه امل ومكان عام لكل سكان المطريه يلجئ اليه الجميع ونريد ان يكون يد العون الاولى لكل اهالى الحى الكرام وهذا ما شعرت به وعملت من اجله منذ اكتشافى واشتراكى فى المنتدى وكان ذلك فى شهر اكتوبر من العام الماضى وانا للاسف لا اعرف ايا من الاعضاء شخصيا ولكنى سمعت عنهم كثيرا وذلك من اصدقائى الاعضاء بنادى المطريه ايضا ومن المدربين به وعرفت الامانه والاخلاص اللذى يتمتع به الاستاذ احمد الحريف للنادى وللحى وايضا الاستاذ عصام غنيم والاستاذ الفاضل احمد عبد الرحيم مدير عام المنتدى وايضا المدام فاطمه وذلك من الاسباب التى دعتنى الى احترام المنتدى والثقه به اكثر واكثر وما حدث كان مجرد رئى للاساتذه الافاضل اعضاء المنتدى ولهم حق فى وجه نظرهم وانا اقتنعت بها لانهم يرغبون فى شد اواصل المعرفه والصداقه بين الاعضاء من خلال المناقشات فيما بينهم والرد بعضهم على بعض وانا كنت اقصد من المواضيع الكثيره فقط اثراء مكتبه المنتدى بالمواضيع التى شدتنى وقرئتها فى اماكن اخرى لاننى والحمد لله اثق فى زوقى وكاما اشرتى يا مدام هبه فعندما تدخلين المنتدى تستطيعين قرائه المواضيع الجديده منذ اخر زياره لكى للمنتدى واعود واشكرك على اهتمامك وحبك وانتمائك وايضا لا يجب ان يحدث اى خلاف بين اى من اعضاء تالمنتدى وعضو اخر لان ذلك يدعو الى الفرقه وليس فى صالح قضيتنا وهى رفعه الحى وخدمته وان شاء الله سيصبح هذا المنتدى كما نريد باذن الله تعالى ,,,,,عموما بالنسبه لعرايس الهنا العروسه اللى فى النص مين حاجزها علشان انا مستعد ادفع له فيها خلو رجل

عايزين نعرف مين اللى وراء التنظيم الارهابى ده وهل هم من الفلول ولا الفلول ارحم .. عن نفسى ارى ان النظام السابق وفلوله لم يبلغوا هذا الحد من الارهاب