فكـرة هايله لإنهــاء الواجبـات المدرسية

بســم الله الرحمــن الرحيــم

ابنك او بنتك مغلبينك ، مش بيكتبوا الواجب بسرعه ..؟؟
عندهم بطء فى آداء اى عمل منزلى ..؟؟

مش عارفه تعملى معاهم ايه ..؟؟

بدون زعيق ولا نرفزة ، هايخلصوا كل حاجه بسرعه ..

ازاى بأه ...؟؟

المطلوب اولا من كل واحده عايزة تنفذ الفكرة يكون عنها موبايل ..

الفكرة هى :

تتكلمى معاهم وتخليهم يركزوا فى كلامك وعينهم فى عينك .

قولى انا فكرت اعمل توقيت لكل عمل بتعملوه ، ونشوف هاتخلصوا امته ؟؟

يعنى ايه ......؟؟

يعنى ادخلى على قائمة الموبايل ،

وبعدين تنسيق (المنسق)،،

اطلعى فوق تكه ...كمان تكه ،،

هاتلاقى مكتوب عندك موقت تنازلى ، او ممكن يكون مكتوب
اى حاجه تانيه ..

المهم ،

ممكن تضبطى التوقيت على 10 دقايق مثلا ،
وبعدين قولى :

انا هابدأ التوقيت ،

مستعدين ، يلا 1 ..2 ...3 ...ابدأ .

شروط نجاح الفكرة :

1-طبعا ممكن تلاقى واجب ابنك كتير ،

ما ينفعش فيه توقيت 10 دقايق بس ، لازم تزودى .

الوقت ، وتشوفى ممكن يخلص امته ..

2- لازم الكتابه بخط حلو ، مش مسألة سرعه وخلاص .

3- لو ابنك ما خلص وباقى دقيقتين او 3 ، ممكن تزودى 5 دقايق زيادة

عشان يحس بثقه فى نفسه ، انه ممكن يكون سريع وينجز وجباته بسرعه .

4- الأطفال تحت سن 7 سنوات ممكن ما يكونوش فاهمين
يعنى ايه دقايق ،
عادى ، فهميهم ، إن الدقيقه كأنى هاعد 1 ، 2، 3، ...........لحد 60 مرة ،

،يعنى ال5 دقايق ،هاعد لحد 300
يعنى اكيد هاتخلصى واجبك قبل ما اعد لحد 300 مرة .

انتى كده بتديها ثقه فى نفسها أو فى نفسه .

5-اول ما يرن جرس التوقيت بالإنتهاء،
ويكون ابنك او بنتك خلص قبله ، سقفى جامد ليهم وشجعيهم بأى تشجيع رمزى ،
زى كوباية عصير مثلا ،
قولى كوباية عصير للشاطر اللى خلص قبل التوقيت .

6- في طفل بيكون أبطأ من طفل ، ده زودى التوقيت بتاعه ،من غير ما
حد من اى ولادك يحس ، عشان تشجعيه هو كمان يكون سريع .

بس كده ....أتمنى اكون افدتكم ، لأن دي من المشكلات الموجودة
فى كل بيت تقريبا .

على فكرة ، ده افضل من المنبه ،

لأنها بتتحكم فى الوقت اكتر.

من طرف شريف الأحد 19 ديسمبر 2010, 23:37

واللة فكرة ممتازة انا هعملة لى اولادى
مشكورة الف شكر

شريف كتب:واللة فكرة ممتازة انا هعملة لى اولادى
مشكورة الف شكر

ربنا يوفقهم ويجعلهم من الذرية الصالحة آمييييييييين

فاطمة فيصل

يا أستاذ فاطمه --
هل هذه الاولاد من عندنا اللى هيتعمل معاهم الكلام ده ؟؟
اشك فى ذلك أطفال هذه الايام -- اولا هياخدو منك الموبايل يلعبوا جيمين فيفاوالسلم والثعبان -- وبعدين يكملوا فى الكمبيوتر حتى بدء المسلسل -- واكون انا اللى نمت --
اتمنى ان يسمع الاولاد الكلام بنسبه 1 % من نسبه ما كنا نسمع وننفذ --
**
__ ** م / محمد صلاح

الله عليكي يا ست فاطمة

بس فيه حاجة على رأي م/ محمد صلاح هما دول مش الأولاد سعادتكم بتتكلمي على أولاد من القمر أو من أي كوكب تاني أو لما إن شاء الله نخلف أولاد تاني غير اللي معانا دول.

يا ستي الفاضلة الأولاد دول مش أولاد دول حاجة تانية أنا لحد دلوقت مش عارف أيه هما...
برجاء لو عرفتم هما دول أيه أتصلوا بي على 15 صفر

أخيكم
م/ أحمد الحريف

الأخ الكريم م \ محمد صلاح
الأخ الكريم م \ احمد الحريف

علي فكرة العيب فينا مش في الأولاد هتقولوا ليه أنا أقولكم من وجه نظري المتواضعة
أولا احنا حبينا نعوضهم الحاجات الكثير الي كانت نقصانا فطلعوا أنانيين
ثانيا وفرنا لهم كل شئ فأصبحوا ليس عندهم ادني شئ من المسئولية
وحاجات كتير عملناها من كثر حبنا لهم وهما افتكروا ان ده واجب علينا وحاجه عادية جدا
ولا ايه رأيكم ي الكلام دة .

فاطمة فيصل

استاذه فاطمه--
اولا ارحب بوجهه نظرك -- ولكن اسمحى لى اوضح لكى شيئ --هذا الوضع ليس حكرا على اطفالنا الذين نعوضهم الحرمان -- لسبب بسيط هو إننا لم نعانى الحرمان كما نتكلم عنه وهذا اعتقد للجيل كله لان الاجيال السابقه فعلا هى التى عانت بجد اما نحن فنقول هذا للتبسيط فقط -- ثانيا العاب الموبيل والكمبيوتر بالفعل فرضت نفسها على الاكثريه ويمكنك ان تشاهدى حتى طلبه الثانويه العامه سيكلمونك عن الكونكر التى لا يوجد طفل فى مصر لم يلعبها والامثله الاخرى كثيره -- وكثره الموبايلات والعاب النت لم تكن على أيامنا حتى نحس بالنقص تجاهها ولكن كل ما هنالك ان التفكير يبدأ من حيث انتهى الاخرون -- ولذلك اطفال اليوم عقلياتهم تتحرك مع المحيط بهم الان وهذا ليس عيب --ولذلك ما نتمناه ان نستطيع ان نجذب اطفالنا إلى شيئ مفيد مع توضيح الشيئ الغير مفيد لهم - ولا ايه رأيك --
م / محمد صلاح

أخي الكريم م \ محمد صلاح

انا معاك في الكلام دة بس الي كنت بقصدة ان أولادنا ليس لديهم ايه مسئولية
وده شئ هيتعبهم كثيرا لما يكبروا لكن نتمني من الله ان يكون الأيام اللي جاية تكون احسن
وربنا يحميهم ويكرمهم يارب

فاطمة فيصل

فكـرة هايله لإنهــاء الواجبـات المدرسية

فكـرة هايله لإنهــاء الواجبـات المدرسية

رد: فكـرة هايله لإنهــاء الواجبـات المدرسية

رد: فكـرة هايله لإنهــاء الواجبـات المدرسية

رد: فكـرة هايله لإنهــاء الواجبـات المدرسية

رد: فكـرة هايله لإنهــاء الواجبـات المدرسية

رد: فكـرة هايله لإنهــاء الواجبـات المدرسية

رد: فكـرة هايله لإنهــاء الواجبـات المدرسية

رد: فكـرة هايله لإنهــاء الواجبـات المدرسية