الي كل من يقول هذه الجمل !!!

‎
الى كل من يقول هذه الجمل
((دول مش ثوار 25 يناير ))... امال دول مين يا ناصح ؟؟ و حضرتك تعرف منين ثوار 25 يناير ... و سيادتك كان ايه موقفك ايام 25 يناير ....
((دول مش شكل ثوار دول شكلهم غلط)) ... جرب البس الحتة اللي على الحبل و روح اقف هناك نص ساعة ... و شوف شكلك هيكون عامل ازاي ...
((الناس دول معاهم صيع)) ... هز طولك وامشي امام أي مدرسة أو روح محطة القطر و شوف الناس شكلها ايه ... دول شعبك منظر امه كده ال...فقر نحت في خلقته ..
(( انا معتزل الفتنة )) ... الله يباركلك ... امسك لسانك بقى و كن في بيتك و بطل تصدر احكام على الناس
(( دول بيحدفو طوب و مولوتوف )) ... روح انت و صحابك قولو تحيا مصر ...
(( واحد منكم هيتقتل أو هيتصاب )).. ساعتها ابقى سيبه مرمي في الأرض وروح بوس الضابط اللي قتله ...
(( الناس دول ايه اللي موديهم هناك أصلاً)) .. دي بقى حاجة مش هتفهمها ... خليك انت مرتاح ...
متنساش لما الشباب دول ينجحو تبقى تنزل تهيص في الشارع و ترقص بالعلم

اليك يا مدام فاطمه الاجابه على الاسئله اللى انتى طرحتيها وانا عارف انك نقليتيها عن احد المواقع , لان ده مش اسلوبك فى الكلام , ويا ريت انك تنقلى اجابتى الى هذا الموقع بجوار هذه الاسئله ,,,,,,,,,,,,,,,,,,,,,,,,,,,,,,,,,,,,,,,,,,,,,,,----------------------------------------------------------((دول مش ثوار 25 يناير ))... امال دول مين يا ناصح ؟؟ و حضرتك تعرف منين ثوار 25 يناير ... و سيادتك كان ايه موقفك ايام 25 يناير ....
--------------------------------------------------------------------------------ج . اولا ناصح دى بتتقال على القهوه لما نيجى نحمرق واحنا بنلعب دومانه او طاوله ومش اسلوب ابدا للرد غلى اخوك الكبير او ابوك او حتى صاحبك ,, وعموما اللى كانو فى التحرير ايام 25 ينايرمش هما الموجودين الان والفرق واضح جداا زى الشمس ومن قبل ما تثبت التحقيقات ان اغلبهم اطفال شوارع ورايحين هنا يشربو بانجو وفيه كتير منهم قابضين فلوس وكمان بتوع 25 يناير كانو سلمين مكانش معاهم ملتوف ولا جاز وبنزين , ووجوهم مش باين منها انهم اصحاب رئى او فيه حاجه فى دماغهم اساسا .,ولولا انى انا وغيرى ايوه كنا فى البيوت لكن كانت دى رغبتنا وهى اسقاط حسنى مبارك وعصابته ولو لاذلك لكانت الثوره فشلت
--------------------------------------------------------------------------------

(( دول بيحدفو طوب و مولوتوف )) ... روح انت و صحابك قولو تحيا مصر ...
(( واحد منكم هيتقتل أو هيتصاب )).. ساعتها ابقى سيبه مرمي في الأرض وروح بوس الضابط اللي قتله ...
--------------------------------------------------------------------------------ج . ايه اللى يودينى مكان فيه فوضى ذى كده ما اكيد حتصاب ولا حموت
. واخذ الحق عمره مايكون بالطوب والملتوف ., يعنى كده خدو حقنا ولا حقهم ., لا بالعكس اهو لغايه دلوقتى فيه 14 قتيل جداد .



















.

ردا علي كلامك يا أستاذ احمد عامر
اعلم جيدا انني لا انقل شئ الا ان اكون عندي قناعه كامله به هذا للعلم فقط
ولو حضرتك بتتحفظ علي كلمه ناصح فقد كنت اتمني ان تتحفظ علي الاشارات البذيئه التي دخلت كل بيت عن طريق الفضائيات التي صدرت من جنود المفروض انهم من المؤسسه العسكريه التي كنا دائما نفخر بها

وبالنسبه لمقوله ان دول مش بتوع 25 يناير فانه لايقول هذا غير الذي لم يذهب مره واحده لميدان التحرير
ولا ادري من يروجون لهذه الجمله هل شباب 25 يناير عليهم ختم ومعروفين ولا ايه

واما اطفال الشوارع الذي النظام الحالي يعول عليهم بانهم هم من فعلوا الكارثه !
فهل سأل اي من الشعب نفسه من هؤلاء ولماذا هم في الشوارع ومن سرق حلمهم ويريد ان يزيد عليهم بان يحولهم لمجرمين
وانت تعترف بانك لن تذهب للميدان يوما ولن تذهب حتي لا تموت
فهذا حق لك ولكن لا تعتدي علي حقوق الاخرين الذين خرجوا
ولي سؤال لحضرتك
ياتري لو اللي في الميدان ليسوا الثوار كما يقال في التليفزيون المصري الكاذب
فمن هو الشيخ عماد وطالب الطب وطالب الهندسه وطالب الاعلام والحرفيين الذين استشهدوا
اليسوا ثوار ام بلطجيه ؟
ولماذا لم يقتل بلطجي واحد مع انكم تقولون ان كل من في التحرير بلطجيه ؟

كل وسائل الإعلام بتقول فين شباب 25 يناير المحترم .. طب تعالوا نشوف نفس وسائل الإعلام دي كانت بتقول ايه عن الشباب دول يوم 26 يناير: بلطجية - عطلوا المرور - أثاروا الشغب - ألقوا الحجارة - أتلفوا المنشآت - تعدوا على الضباط - ينادون بالانفلات - يتحدون الشرعية - منساقون وراء شعارات زائفة
-----------------------------------------------------------------------------

الصفحة الأولى لجريدة الجمهورية يوم 3 فبراير 2011
القوات المسلحة تناشد المواطنين العودة إلى منازلهم
مصر أقوى من الفتنة
الشعب للرئيس: نحن معك
مبارك ينقذ مصر من الفوضى والخراب
----------------------------------------------------------------------------


الجمهورية - الأحد 6 فبراير
القبض على جواسيس من جنسيات مختلفة
وفي تفاصيل الخبر: عناصر من جماعات متطرفة تمنع الشباب من الخروج من ميدان التحرير عن طريق الحصول على تليفوناتهم وتحذيرهم من الخروج لأي سبب من الميدان
----------------------------------------------------------------------------همه دول نفس الشباب اللي بيتقال عليهم دلوقتي دول مش الشباب الطاهر بتاع 25 يناير
وللأسف توجد حتي الان اذان تسمع وتصدق نفس الكدب بنفس الاسلوب

لا طبعا انا معترف ان فيه اصحاب رئى موجودين فى التحرير , لكن من غير ما يقصدو اعطو فرصه للغوغاء والبلطجيه فى الدخول وسط صفوفهم , وهذه نتيجه طبيعيه لان النظام منعدم , وانا اناشدهم الرجوع لمنازلهم , واتمنى الاستقرار والهدوء للبلد , وانا عارف طبعا ان اصحاب الرئى دول مش هما اللى اشعلو الحرائق فى المجمع العلمى والمبانى الاخرى لانهم عارفين قيمه هذا المجمع واهميته , وان هذه المبانى هم ماليكيها , وايضا بسبب هذه الزحمه والفوضى قتل من قتل وجرح من جرح وحدثت الكثير من الانتهاكات , ولكن فى هذه الزحمه تدخل العابثين والمجورين ونفذو رغايتهم الهدامه , واحنا ان شاء الله ليس امامنا سوا 20 يوم فقط ويستلم مجلس الشعب المنتخب والذى يمثلنا جميعا مهام وظيفته , وان شاء الله خير

وللاسف لايجود بديل , والمواجهات فى الشارع عمرها ما تبنى الدول