احلام طفل القرية

احلام طفل القريه




نفسي حقيقي أنام بالليل

نفسي في لقمه تشد الحيل
نفسي يا ناس ارتاح م الشيل
نفسي حاجات تتحقق نفسي
بس همومي تهد الحيل !!!

نفسي أقوم م النوم يقولولى
صح النوم وفطار يجبولى
واطلب فاكهه وافرد طولي
واعمل زى عيال البندر
وألقى كل الناس ضحكولى!!!

نفسى كمان ارتاح من شغلى
دا انا جويا حكاوى بتغلى
وانا حرمانى كمان يشفعلى
نفسى حقيقى تبقى حياتى
من ماسبيرو حتى لاظوغلى !!!

طفل ازاى والم الدودة
طول اليوم بقروش معدودة
كل حقوقى ياناس مفقودة
اه لو افكر مرة اتفسح
يبقى يا ويلى وقعتى سودة !!!


طفل ازاى وناقصنى حاجات
و ولاد غيرى فى احتفالات
واطمع ليه والناس درجات
الخلق لو شافونى

ممكن يبكوا عليا ساعات!!!