جواب غريب للرئيس السورى على المتظاهرين

يا شعبي صاير مغرور ,,,, وع أسيادك عم تثور
بدك عز واستقلال,,, وتتقاسم معي الأموال
لا تحلم حتى بليرة,,, ولا حرية ولا غيرا
وبصريح العبارة,,, ما إلك عندي بارة
وان ما عجبك هال كلام,,, بفرع التحقيق رح بتنام
وان كنت كتير عنيد,,,, في عندي أحسن مبيد
معمر مو أحسن مني,,, ولا بدي فوت الجنة
والحرس الجمهوري,,,, بيمعس الشعب السوري
وحتى لو الجيش خان... بجيب عسكر من ايران
وإذا اجو الاميركان,,, ,بعطيهم كل الجولان
بدمر سوريا كلها,,, بس ما يقولوا بشار كان


يا شعبي فكر شوي,,,, من دوني ما بتشرب مي
حتى لو عايش حمار,,, بسوريا في استقرار
طائفية ما عنا... عيش واطلب وأتمنى
يمكن حرر الجولان,,, ورجع لسوريا لبنان
ورخصلك لتر المازوت,,, ونزل أسعار البيوت
يا شعبي طول بالك,,, ودير بالك ع عيالك
مو احسن ما تقول مات,,,, بشي فرع مخابرات
يا شعبي خفف طيشك,,, ودور ع لقمة عيشك
ولا تكبر راسك كتير,,, الكلب ما ببصير أمير
ع اسيادك لا تتمرد,,, انت محكوم مؤبد
حافظ من قبلي حاميك,,, واستنى ابني جاييك


الشعب يرد


يا سوريا بالمكشوف,,, سرقوك عيلة مخلوف
موبايل ورنة تلفون,,,, كل يوم بينهب مليون
مدري كم مليار لم.... الو ولأولاد العم
أوعك يا شعب تنهم ,,,, حتى لو عم تاكل كم
المهم القائد فرحان ,,, هو وجماعة طهران


مهما عملو ومهما صار,,, رح نتخلص من بشار