عايزين نبطل فهلوة

عايزين نبطل فهلوه



وشغل الحداقه والحواه

وبلاش حكاية الشمس ف أزايز

وأحنا اللى دهنا الهوا

عايزين أمل .. عايزين عمل

وبأيدينا نبنيها سوا

عايزين رغيف من قمحنا

عايزين قميص من قطننا

والصين نقولها متشكرين

كفايه مص ف دمنا

أما الدولار دا يبقى عار

نستورد به دباديب للهزار

وفوانيس رمضان للعيال

طب مالها المصنوعه عندنا

عايزين أحساس بالوفا

عايزين أحساس بالدفا

ونكون كدا ستر وغطا

على بعضنا

ساعتها مصر تضمنا

ونلم تانى شملنا

والجرح نلقاله الدوا

وقلبى العليل ياناس يطيب

لابفبركه ولافهلوه