مصيف لمدة يوم واحد

مصيف لمدة يوم...

فيه ننسى المشاكل ونرمى الهموم...

الحته تتجمع كبارها مع صغارها...

ويأجروا أتوبيس فى يوم يكون معلوم...

محددين الهدف جمصه أو بلطيم...

عشرين جنيه للنفر والدفع لأم كريم...

خاطبه ودلاله ومنظمة رحلات...

وماسكه جمعيات ولجنه للتحكيم...

جهزنا طعامنا وشرابناوكورنا...

واللى معندهوش مايوه يشوفله حتة شورت...

وكام فردة كاوتش قديمه من أسطى أبراهيم جارنا...

وطلعت الرحله وأغانى مع مواويل...

قديم جديد كله ماشى مبقتش فارقه كتير...

وصلنا للبحر هجوم عليه كاسح...

والكل حالف ماهو طالع من المالح...

جعانين سعاده والكيل بينا طافح...

ياناس سيبونا نعيش داحنا والله مساكين

ياعم احمد
ياأبو قلب صافى
وحس دافى
يامصرى ياطيب
شايل على كتفك ملاك طاهر
مهما نقاسى
الصبر طيب
وكل أول
بيكون له آخر
ياعم احمد