اجمل تحية لقناة الجزيرة

عايزين الحق ولاأبن عمه
وكلامنا لكل ذو بصيره
ولكل من مصر تهمه
والمخلصين ملايين غفيره
نشهد والأرزاق على الله
ولامستنين حد يساعدنا
ولاقبضنا دولارات فى أيدنا
من أمتى كان أعلام بلدنا ؟!!
بيقدم أى شىء يفيدنا
الكدب والنفاق دا طبعه
وبدل ماينور فى شعبه
عيشنا فى ضلمه وحيره
مفيش غير أخبار سيادته
يافلان جه قابل فخامته
ياعلان راح حامل رسالته
و أخبار عياله وزوجته
السيده الأولى والأخيره
طب وسط المناخ دا كله
كان فيه ملاذ غير الجزيره ؟!!
مين كان راح يكشف جرايمه ؟!!
هو وعصابته الخطيره
وصور الشهدا اللى سقطوا
ماكانش هتيجى عنها سيره
فبدل ماتهاجملى فيها
وبخيبتك بتشوش عليها
سيبها تسرد وأنت رد
لو حيلتك حاجه ترد بيها ؟!!
وأنتم ياأخواتنا وناسنا
أظن عقولنا فى راسنا
سيبنا من اللى داسنا ووكسنا
وحيوا معايا الجزيره