مشاهد يوم الانتخاب

نصائح للناخبين اليوم
....................
الى كل الناخبين
خد بالك خطوات انتخابك
تدخل المدرسه المقيد بها اسمك
ابحث على الفصل الذى يوجد فيه رقمك الانتخابى ستجد ورقه على باب الفصل يدل على ان الصندوق داخل الفصل من رقم كذا الى رقم كذا
اصطحب معك بطاقتك الشخصيه
اصطحب معك بطاقه الانتخابات وان لم تكن موجوده مش مهم المهم رقمك الانتخابى انت تعرفه
سيوجد بداخل الفصل صندوقان احدهما لكوته المراه
سيسلمك الموظف ورقتان احداهما لكوته المراه
ضع علامه صح على مرشح فئات هو محمد صالح رمز الغزالة مثلا
وعلامه صح على مرشح عمال هو خالد الزقلة رمز الكتاب المفتوح مثلا
وعلامه صح على اسم امراه تختاره فى الورقه الاخرى
ضع كل ورقه فى الصندوق المخصص لها
سيضع الموظف اصبعك فى الحبر الفوسفورى لاتقلق
احذر مخالفه كل ماسبق حتى لايبطل صوتك
.............................
منقول مع بعض التصريف

شكراً لكم على هذا المجهود الرائع
و نسأل الله التوفيق

لان الورقة كبيرة جدا لازم تعرف رقم مرشحك
يعنى مثلا خالد الزقلة 13
والحاج صالح 22

الوضع العام مرضى جدا بلجنة مدرسة العقاد الكشوف معلقة خارج الفصول (اللجان)
والدخول للمدرسة واللجان بالبطاقة الشخصية
تأكد ان اسمك داخل اللجنة ادخل استلم ورقتين واحدة للمرشحين الـ64 اسم
والاخرى للسيدات 13 اسم
علم فى الورقة الكبيرة على واحد فئات وواحد عمال حتى لاتفسد الورقة بعلامة صح
وعلم على اسم اى سيدة فى الورقة الصغيرة
ضع الورقة الكبيرة فى صندوق والصغيرة فى الصندوق الثانى
وقبلهما وقع على كشفين بالحضور امام اسمك

الوضع العام بلجنة مدرسة هدى شعراوى
دخلت وسجلت اسمى وانتخبت بسهولة ويسر ولم اجد اى مشكلة فشكرا للجنة

كنت من نصف ساعة ادلى بصوتى والحمد للله ادليت به بعد عناء شديد بسبب
البطلجة والتزوير بمدرسة اسامة بالمسلة بجوار المدرسة الثانوية بنات
ويا ميت خسارة كنت اظن ان يستمر اليوم وردى كما تخيلت

مدرسة أسامة وفا الإبتدائية
الساعة خمسة و نص كنت جوه اللجنة و بجرى بدور على الفصل اللى انا متسجل فيه علشان احط صوتى وانا طالع للدور التالت كان فيه خناقة فى الدور التانى و كان فيه امين شرطة ماسك واحد و خده فى فصل تانى و طلعت حطيط صوتى و انا نازل عديت على الفصل اللى كان فيه خناقة و لقيت الوضع اهدى شويه و واحد قاعد على الصندوق و بأعلى صوت قاعد يقول تزويييييير تزويييييييييير و ماسك ورقة و بيوريها للناس و فضلت واقف جنب شباك الفصل و بعدين سمعت دبدبة فظيعة على السلم ناس طالعة حوالى 15 واحد اولهم واحد بلطجى ماسك مطوه جيت اجرى من السلم الى الناحية التانية طلع مفيش سلم اصلاً الناحية التانيه الحمد لله دخلوا الفصل اللى قبله و لحقت اجرى من الطرقة قبل ما يخرجوا من الفصل الغلط و نزلت اتابع من الحوش و لقيت الى هجموا دول واحد منهم مسك استمارات الترشيح و قعد يرميها على الناس من فوق

على فكرة الورق الى اترمى ورق الترشيح الحقيقى مش مزور و كل ورقه فيها ترشيح غير اختها

ناس كانت بتقول ان البلطجية ضربوا الواد الى مسك التزوير و ناس بتقول ان الواد الى مسك التزوير هو نفسه الى حط الورق المزور باسماء مرشحين تانيين علشان يتهمهم و فى نفس الوقت يعمل قلق و يقدر يزور فى لجان تانية

الاحتمالات كتير لكن المؤكد ان التزوير حصل