الاحتمالات كتير لكن المؤكد ان التزوير حصل

محمد كمال المراقب باللجنة العامة لحملة ابو الفتوح
مدرسة أسامة وفا الإبتدائية
الساعة خمسة و نص كنت جوه اللجنة و بجرى بدور على الفصل اللى انا متسجل فيه علشان احط صوتى وانا طالع للدور التالت كان فيه خناقة فى الدور التانى و كان فيه امين شرطة ماسك واحد و خده فى فصل تانى و طلعت حطيط صوتى و انا نازل عديت على الفصل اللى كان فيه خناقة و لقيت الوضع اهدى شويه و واحد قاعد على الصندوق و بأعلى صوت قاعد يقول تزويييييير تزويييييييييير و ماسك ورقة و بيوريها للناس و فضلت واقف جنب شباك الفصل و بعدين سمعت دبدبة فظيعة على السلم ناس طالعة حوالى 15 واحد اولهم واحد بلطجى ماسك مطوه جيت اجرى من السلم الى الناحية التانية طلع مفيش سلم اصلاً الناحية التانيه الحمد لله دخلوا الفصل اللى قبله و لحقت اجرى من الطرقة قبل ما يخرجوا من الفصل الغلط و نزلت اتابع من الحوش و لقيت الى هجموا دول واحد منهم مسك استمارات الترشيح و قعد يرميها على الناس من فوق

على فكرة الورق الى اترمى ورق الترشيح الحقيقى مش مزور و كل ورقه فيها ترشيح غير اختها

ناس كانت بتقول ان البلطجية ضربوا الواد الى مسك التزوير و ناس بتقول ان الواد الى مسك التزوير هو نفسه الى حط الورق المزور باسماء مرشحين تانيين علشان يتهمهم و فى نفس الوقت يعمل قلق و يقدر يزور فى لجان تانية

الاحتمالات كتير لكن المؤكد ان التزوير حصل
..................................................
من طرف mohamed_kamal90 في الأحد 28 نوفمبر 2010 - 18:36
..................................................................
كان هذا هو الموقف فى انتخابات مجلس الشعب التى اجريت فى نوفمبر 2010 اما اليوم فالحمد لله الجيش بيديرها صح