شارك برأيك وقولى انا صح ولا غلط

الناس فى مصر انواع فى مثلا القادة السياسين زى الوزراءواعضاء مجلس الشعب واعضاء المجالس المحلية واعضاء هيئة مكتب الحزب وباقى الاحزاب دة نوع ودول طبعآ مستفيدين بالوضع الحالى نيجي بقي لقادة الجيش الوضع الحالى نجح أنه يفصل الجيش عن الحياة المدنية بمعنى أنك مستحيل تلاقى حد من القادة دول واقف فى طابور عيش أو أى طابور من الطوابير المعروفة فهوا كده كده مرتاح صغار الضباط كل واحد خايف على لقمة عيشه والسلطه اللى فيها فأنسى أن يجي واحد زي جمال عبد الناصر طبعآ مش حاتكلم عن الداخلية لأنها معروفة نيجي بقي للمواطنين ودول نقسمهم كالأتى (فنانين , لعيبة الكورة , الطابلين والزمارين والمنافقين وما أكثرهم) أنسي دول كمان نيجي بقي للموظفين (حكومى , قطاع خاص) ودول كل واحد عايز يربي العيال فأنسى دول كمان نيجي لبتوع الأعمال الحرة (تاجر , بياعين , سواقين, إلخ) ودول اليوم عندهم فلوس فأنسى دول كمان نيجي للباقى ودول نقسمهم (اللى عارف وساكت , اللى عارف وبيتكلم بس من بعيد زينا كده , اللى مش عارف وساكت , اللى مش عارف وبيتكلم برضو زينا كده ) يتبقي عندك (اللى بيعمل مظاهرات عشان أكل عيشه ولو لقاه مش حايعمل حاجه تانى , اللى بيعمل مظاهرات عشان ماتش كورة) ضيف إلى كل ذلك ثقافة (أنا ومن بعدي الأخرين) ودى حاتلقيها فى معظم هذا الشعب إلا من رحم ربي يتبقي عندك الدين (الدين المعامله) يعني مش صلاة وصوم فقط ودى بقي حاسبها ليك وأنته اللى تشوف يا ترى نستحق اللى أحنا فيه ولا لاء؟؟؟؟؟!

الأخ الكريم \ ابراهيم

رد هذا الكلام كله جملة واحدة :

( لا يغير الله بقوم حتي يغيروا ما بأنفسهم )

فاطمة فيصل

استاذ/ابراهيم
انت ناسى شر الحليم اذا غضب
الويل كل الويل عندمايغضب الحليم

رد هذا الكلام كله جملة واحدة :

( لا يغير الله بقوم حتي يغيروا ما بأنفسهم )

صح اصح

نسيت تقول ان فيه نسبه كبيره من الشعب منتظرين يمكن يجى الفرج

مجدى الوراقى كتب:استاذ/ابراهيم
انت ناسى شر الحليم اذا غضب
الويل كل الويل عندمايغضب الحليم

اخى الكبير استاذ مجدى أنسى

طبعا يا أخي إبراهيم يوجد بكلامك صح ويوجد أيضاً الخطأ

بمعني أنه عندما يكون السكوت تعرف على طول أنه بعده غضب وغضب شديد
شعب مصر من الصعب المرأس ولكن لا تنظر إلى أسفل رجلك أخي الحبيب فهذا الشعب عندما كان ليس منه الرجا قامت منه ثورات وثورات وعندما أنهزم في 1967 قالت الدنيا الكثير والكثير أنه ليس له قواما بعد ذلك وجاءت ساعة النصر 1973 وجال وصال
أخي لا تغضب على شعب هكذا - يوجد رجال كثيرون -
أنتظر أنتظر فسوف يجئ الفرج قريباً إن شاء الله..
أخيكم
م/ أحمد الحريف

لقد صدق حدثكم جميعا وعوض علينا ربنا بالثورة التى نرجو نجاحها

وجاء النصر من عند الله وباذن الله نحن نسير فى الاتجاه الصحيح

أملي أن نعاود الوقوف بميدان التحرير لمتابعة ما أخذ بصفة الجدية
أرجو أن ينال كل مغتصب جزاؤه في الدنيا قبل الآخرة
حتي يري كل من يتسول له نفسه بالحقيقة وما سوف يجري له إذا حاول مجرد المحاولة وأنه لن يفلت من العقاب

أحمد الحريف