الشرطة فى خدمة الشعب

يقولك بطاقتك ورخصك وأيدك فى جنبك

وقولى يلا أسمك وأسم أمك وخالتك

ولو قلت له ممكن أشوف كارنيه سعادتك

تلاقى القلم بسرعه علم فى خدك

وأوسخ شتيمه لأبوك وجدك

يامانفسى أعرف ليه المواطن مهان

ده جهل بالحقوق أم لأنه جبان

ياريت كل ظابط يلزم حدوده

والدستور والقانون يحفظ بنوده

وألا هتبقى غابه ومصارعة تيران

ضرورى الشرطه فى بلدنا تحسن صورتها

وكفايه مهازل وفضايح طالتها

فين شعارها العظيم اللى كان زمان

لما كانت فى خدمة الشعب وصمام الأمان