بحـث
 
 

نتائج البحث
 


Rechercher بحث متقدم

المواضيع الأخيرة
» الرقم البريدى لمنطقة المطرية بالقاهرة
الأحد 10 سبتمبر 2017, 21:13 من طرف اخوكم احمد

» المطريه ليس بها فرع واحد لأى بنك ؟
الأربعاء 30 أغسطس 2017, 15:15 من طرف اخوكم احمد

» من امثال العرب
الإثنين 26 ديسمبر 2016, 00:16 من طرف اخوكم احمد

» سجل هنا اجمل تهنئة وصلتك
السبت 10 سبتمبر 2016, 03:48 من طرف اخوكم احمد

» رسائل العيد (خفيفة الدم)
الجمعة 09 سبتمبر 2016, 13:14 من طرف اخوكم احمد

» متصفح أوبرا الجديد يوفر 90% من فاتورة الإنترنت
الإثنين 15 أغسطس 2016, 00:28 من طرف اخوكم احمد

» السلام عليكم.
السبت 23 أبريل 2016, 21:33 من طرف اخوكم احمد

» لقد تم حل مشكلة التسجيل بالمنتدى
الخميس 21 أبريل 2016, 18:52 من طرف اخوكم احمد

» احكام نقض محمد عبد السلام يوسف
الأربعاء 20 أبريل 2016, 18:11 من طرف اخوكم احمد

» سلام على اهل حمص وحلب وتحية لأيام منتدى ما وراء الاصوات ويلوووو
الإثنين 11 أبريل 2016, 14:20 من طرف اخوكم احمد


البوصلة الأخلاقية

استعرض الموضوع السابق استعرض الموضوع التالي اذهب الى الأسفل

البوصلة الأخلاقية

مُساهمة من طرف اخوكم احمد في الإثنين 29 يوليو 2013, 22:06

فيه تعبير خواجاتي إسمه ال Moral Compass أو بالعربي، البوصلة الأخلاقية.

الكلمه دي مقصود بيها، هو قدرة البني آدم على معرفة الإتجاه الأخلاقي والإنساني اللي بيتماشى مع مبادئه وآدميته مهما تعثرت الرؤية، أو إختلطت الأمور.

أنا بيتهيألي إن الفتره دي، المورال كومباس بتاع كل واحد فينا في إختبار حقيقي.

فيه أوقات كده، بيبقى سهل جداً تعرف الحق فين، والباطل فين..وفيه أوقات زي اللي إحنا فيها، بتبقى محتاج مورال كومباس فولاذي عشان ماتفقدش آدميتك.

الإختبار بيتمثل في وجود حاجات كتير بتشوش على بوصلتك الأخلاقية دي، أولهم ضغط الناس اللي حواليك، أو ال peer pressure.

أسهل كتير إنك تعمل شئ لا يرتضيه ضميرك، لما تلاقي كل اللي حواليك بيعملوه..لأن الإنسان هدفه الأساسي إنه ماسيقاش شاذ أو مختلف عن اللي حواليه، لأن ده له ثمن...عشان كده أسهل بكتير إنك تتحرش في جماعه، من إنك تتحرش بواحده لوحدك، ويمكن لو لوحدك عمرك ما كنت هتقدم على كده..وعشان كده أنت عادة بتشجع الفريق اللي عيلتك بتشجعه، وبتصوت في الإنتخابات للشخص اللي دائرة معارفك وأصدقاءك بيصوتوا له.

الموضوع في جزء خوف، وجزء إستسهال.
خوف من إنك تبقى مختلف، فتبقى مادة سخرية، أو معرض للوم وتأنيب من اللي بيخالفوك في الرأي.

وإستسهال إن أنت مش محتاج تفكر وتوجع دماغك، في قرار أصلاً صعب ومش واضح، فالأسهل إتك تنضم للقطيع، واللي يسري عليهم، يسري عليك.

الحاجه التانية، هي مصالحك الشخصية.
أنت لك هدف، أو مصلحه، أو طموح معين، المورال كومباس بتاعك مش بيشير إليها.
وفي الحالة دي، ما أسهل إنك تتجاهل الإتجاه اللي بتشير إليه بوصلتك، وتغمض عينك، أو تبرر لنفسك، وبصباعك كده، تقوم لافف سهم البوصله عافية كده، عشان تشاور على إتجاه مصلحتك.

الحاجه الثالثه، مظهرك، ومواقفك السابقه (العند والكبر)
ما أسهل إنك تتجاهل الحقيقه، عشان شكلك مايبقاش وحش وسط الناس.
يعني مثلاً الإصرار على الخطأ، لأنك أعلنت موقفك من شئ قبل كده، ومش هاينفع تتراجع عنه دلوقتي...فتدخل نفسك في دائرة من التبرير أو الكذب (حتى لو على نفسك)
يعني مثلاً..أنا أيدت أبو الفتوح أيام الإنتخابات، ودخلت في صراع كلامي مع ناس كتير عشانه...فأسهل لي (أو أكرم لي) إني أبرر كل موقف مخزي لأبو الفتوح، عن إني أقول إن ده موقف مخزي.
فأتجاهل اللي المورال كومباس بيشير إليه، وأبرر أفعال أبو الفتوح عشان منظري.

الحاجه الرابعه، الصله الشخصيه.
الموضوع ده متعلق بعدو، ولا حبيب؟
صاحبك، ولا الواد اللي كان بيضربك في المدرسه وأنتوا عيال صغيره؟
معاك، ولا مع الناس التانيين؟
ماهو حبيبك تبلع له الزلط، وعدوك تتمتى له الغلط.

وأكيد كل واحد لو فكر شوية، هيعرف إيه اللي إما بيشوش على بوصلته الأخلاقيه، أو بيخليه يتجاهلها.

فأنا بيتهيألي، إن لما الرؤية ماتبقاش واضحه، وسهم بوصلتك عمال يلف حوالين نفسه، لوحده، أو بتأثير من اللي حواليك، فيه شوية أسئله المفروض تسألها لنفسك..وكل سؤال، هيخليها تركز أكتر، لحد ما تشاور على إتجاه، مش لازم يكون الصح، إنما على الأقل، ده الإتجاه اللي يرضي ضميرك.

هل أنا فكرت وأخدت بالأسباب، ولا رددت كلام حد أنا بثق فيه، أو بصدقه، وخلاص؟
هل أنا حاسس إني مضطر أعمل كده، ولا ده إختياري من غير أي ضغط معنوي؟

هل لو اللي بيحصل ده، كان بيحصل لي أنا أو لحد بحبه، كنت هتقبله، ولا لأ؟
هل أنا بكيل بمكيالين؟
هل أنا بحاول أحقق مصلحه لنفسي، ولا ماليش مصلحه؟..ولو ليّا، هل ده مأثر على قراري؟
هل أنا عايز أنتصر في مناقشه، أو أكسب في الكلام، ولا عايز أوصل للحقيقه؟
هو أنا بعند؟..ولا دي قناعتي؟
هل أنا أولوياتي في محلها؟..يعني هل أنا مقدم الرحمه على العدل، والعدل على المصلحه، ودفع الضرر عن جلب المنفعه؟..هل آدميتي في محلها؟

جاوب، وأنت وضميرك بقى.
avatar
اخوكم احمد
Admin

عدد المساهمات : 2418
السٌّمعَة : 9
تاريخ التسجيل : 03/05/2009
العمر : 54

معاينة صفحة البيانات الشخصي للعضو http://matarya.yoo7.com

الرجوع الى أعلى الصفحة اذهب الى الأسفل

رد: البوصلة الأخلاقية

مُساهمة من طرف احمد عامر محام في الثلاثاء 08 أكتوبر 2013, 02:34

موضوع جيد وعايز قرأه بتمعن
avatar
احمد عامر محام
مشرف المنتدى القانونى
مشرف المنتدى القانونى

عدد المساهمات : 961
السٌّمعَة : 2
تاريخ التسجيل : 22/11/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: البوصلة الأخلاقية

مُساهمة من طرف اخوكم احمد في الأحد 22 ديسمبر 2013, 01:30

احمد عامر محام كتب:موضوع جيد وعايز قرأه بتمعن
اتفق تماما معك اخى العزيز .. واين اراضيك الان اخى الكريم
avatar
اخوكم احمد
Admin

عدد المساهمات : 2418
السٌّمعَة : 9
تاريخ التسجيل : 03/05/2009
العمر : 54

معاينة صفحة البيانات الشخصي للعضو http://matarya.yoo7.com

الرجوع الى أعلى الصفحة اذهب الى الأسفل

رد: البوصلة الأخلاقية

مُساهمة من طرف اخوكم احمد في الجمعة 10 يناير 2014, 18:37

موضوع قيم يستحق التقدير
avatar
اخوكم احمد
Admin

عدد المساهمات : 2418
السٌّمعَة : 9
تاريخ التسجيل : 03/05/2009
العمر : 54

معاينة صفحة البيانات الشخصي للعضو http://matarya.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى