بحـث
 
 

نتائج البحث
 


Rechercher بحث متقدم

المواضيع الأخيرة
» متصفح أوبرا الجديد يوفر 90% من فاتورة الإنترنت
السبت 11 نوفمبر 2017, 14:20 من طرف اخوكم احمد

» عيد ميلاد المنتدى الثانى
الأربعاء 08 نوفمبر 2017, 15:16 من طرف اخوكم احمد

» الاهلى والوداد مباشر على منتدى المطرية
السبت 28 أكتوبر 2017, 18:41 من طرف اخوكم احمد

» الرقم البريدى لمنطقة المطرية بالقاهرة
الأحد 10 سبتمبر 2017, 21:13 من طرف اخوكم احمد

» المطريه ليس بها فرع واحد لأى بنك ؟
الأربعاء 30 أغسطس 2017, 15:15 من طرف اخوكم احمد

» من امثال العرب
الإثنين 26 ديسمبر 2016, 00:16 من طرف اخوكم احمد

» سجل هنا اجمل تهنئة وصلتك
السبت 10 سبتمبر 2016, 03:48 من طرف اخوكم احمد

» رسائل العيد (خفيفة الدم)
الجمعة 09 سبتمبر 2016, 13:14 من طرف اخوكم احمد

» السلام عليكم.
السبت 23 أبريل 2016, 21:33 من طرف اخوكم احمد

» لقد تم حل مشكلة التسجيل بالمنتدى
الخميس 21 أبريل 2016, 18:52 من طرف اخوكم احمد


أهم مشاكل الدائرة في حوار مع عضو مجلس الشعب عن الدائرة أ أشرف سعد

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

أهم مشاكل الدائرة في حوار مع عضو مجلس الشعب عن الدائرة أ أشرف سعد

مُساهمة من طرف في حب مصر في السبت 10 ديسمبر 2011, 19:56



فور فوزه في آخر انتخابات لمجلس الشعب بالدائرة قرر الأستاذ أشرف سعد فتح حوار مع أهل الدائرة على صفحته على الفيس بوك ليعرضوا أهم المشاكل بالدائرة ..

في البداية يقول أ أشرف سعد : احب ان اوضح أنني كعضو مجلس شعب مسئول عن حل هذة المشاكل لان دوري في مجلس الشعب رقابي وتشريعي ، رقابي علي كل جهة خاصه بكل مشكله من هذه المشاكل ، وبالطبع ساكون مسئولا علي ان اري كل جهة تحقق واجباتها من خلال رقابتي عليهم ، وهذا أملي بإذن الله ، بالإضافة للدور التشريعي الذي نريده والدستور ذو المرجعيه الاسلاميه ..

وحينما فتح الباب للحوار وعرض المشاكل بالدائرة جائت الردود كالتالي :


Sara Khaliel انا من رأيى لازم نبدأ بموضوع القمامة المنتشرة فى كل مكان

Amr Nshaat البنيه التحتيه زى المجارى والكهرباء والانابيب

Hafsa Saad
مشكلات كثيرة.. أهمها الطرق والقمامة..

Mido VirageSud الدايره مليانه اهمها الزباله اللى فكل حته والشوارع المتكسره مفيش شارع نضيف وبعدين نقول الباقى

Ahmed Ahmed Ibrahim انا من المرج والمرج دى كلها مشاكل منها طبعا الزفت الزبالة والمجارى اللى بتطفح كل ربع ساعة وكمان المستشفيات هناك ازبل من الزبالة نظيف المدينة الاول وبعدها حاول تنظف الناس وكمان العيش الواسايط االلى فية حاجة تقرف وانت عارف الباقى

Shayan Mahmoud اولا عندك الناس ال بتبنى مخالف من غير تراخيص ويكسروا الشوارع وبالتالى الشوارع بتكون متبهدله ومكسره وطبعا مواسير الصرف مش مستحمله العدد الكبير ده وبالتالى كل يوم تلاقى الشوارع بقت حاجه شنيعه ده غير الميكروباصات ال بتوقف تحمل فى غير اماكنها وبالتالى بتزحم الدنيا وغير ان مفيش عساكر مرور تظبط العمليه المروريه . طبعا تلاقى الناس بتمشى مخالف عينى عينك ولا بيهمه وان اتكلمت تكون غلطان وغيره من المشاكل كتيييييير اوى . الله يعينك انا من شارع النصر فى المطريه بجانب شارع الخارجه

Marwa Farouk Mero المخدرات والميكربصات الغير قادميه الي بنبقي مطرين نركبها ف عين شمس والزباله ف كل حته الشاورع مش متسفلته كل دي مشاكل وف تاني لو تحب تسمع

Mohamed Ahmed كل الناس مجمعه على ان المشكله الأهم حاليا موضوع القمامه من مناطق - امام مدرسة أم المؤمنين - المترو ابتداء من نقطة المرج الى كوبري الشيخ منصور - وأكيد طبعا شارع المقابر انتو وراكو حاجه أكمل ؟

Mohamed Hassan اهم حاجه فرص عمل للشباب اللي مثلنا بحيث لا يصبح وجود للبطاله ونحن متعلمون ونحمل شهادات عاليه

Sara Khaliel
وحاجة تانية بتضايقنى وحسه ان احنا بقينا فى فوضى فى كل مكان باعة متجولين حتى على محطة المترو وده بيسبب ازدحام كبير لأ وكمان الصينيين بقوا يعدوا على المحطة بالموبايلات .............. مفروض المحطة دى ميتواجدش عليها ايا من البعة المتجولين

Mansour Ahmed طيب اية نظام التوكتك الي ملهوش حل دة هنعمل في اية . و سوق الخميس الي عند المستشفي .. و الزبالة و الاسواق الي عند كل مدرسة و بيعين البنزين الي علي كل نصيه ... و المحلات الي بتلع البضائع بتعتها في الشارع هي و القهوي و سفلتت الشوارع و الكهرباء و المياة الي بتقطع ؟؟؟!!!!

Mohamed El Tantawy
المخابز و سرقة الدقيق
عايزين نشوف حل للمشكلة العويصة ديه

Ahmed Abd Elmonam Ahmed اللي بيعرف يعد يعد ورايا
1- الزباله ( وتجدها بجوار كل مدرسة )
2- الشوارع مدغدغة
3- الرعاية الصحية
4- تفشي الجهل بين الشباب وأعنب بالجهل هو عدم الوعي الثقافي والسياسي والتربوي ..... ألخ
5- الفقر والبطاله فهما وجهان لعملة واحدة

Jusst Like Heavven الامن وتتضمن المساجين اللي ماليين الشوارع نظرا لفتح سجن المرج والزبالة اللي بقت في كل حتة

Mohamed Farghaly
1- المخبز العيش فى منطقه جنينه الشريف إللى متفرع من شارع عين شمس ... يقوم صاحب الفرن ببيع الدقيق و يقوم بتأخير قدوم العيش للناس ممكن ما يقرب من نص ساعه الفرق ما بين عربيه عيش و أخرى مما يؤدى إلى تأخير الوقت .... و قد تقدم أكتر من واحد فى المنطقه ببلاغ و لم يحدث شىء
2- موقف الميكروباص إللى عند محطه متر عين شمس تقوم بتعطيل الطريق الرئيسى بعين شمس ...
3- الردم الذى يلقى أمام معهد المطريه و عند مزلقان .... يلوث البيئه أولا و ثانيا يعطل المرور .... وأنا اقترح حل لهذه المشكله عن طريق عمل سيارات مخصصه لحمل الرد من البيوت و يتم محاسبتاها من صاحب الردم لكى يتم رميها فى أماكن مخصصه ليتم التخلص منها
4- رجاءً يتم عمل خطوط ساخنه .... لكى يتم رصد و التبليغ عن أى مخالفات فى المطقه و يقوم هذا الخط بالإتصال بالأجهزه المعنيه لهذا الموضوع
و أتنمى ألا أكون قد أطيلت و فى شكاوى أكتر بكتر .... ولو فى طريقه يقدر الشباب إللى فى المنطقه يسعدوا فيها يكون شىء جميل جدا
و شكرا لسعه صدرك

Mostafa Sayed
ياريت فلوس الزبالة فى فاتورة الكهرباء تتشال عشان حرام ادفع مرتين للزبال وفى فاتورة الكهرباء
على البسطى اهم مشاكل الدائرة
رقم 1القضاء على البلطجية نهائيا مطلب مهم وملح وتصفية البلطجى بمكانة
رقم 2 الاهتمام بالتعليم مليون بالمائة
رقم 3 الاهتمام بالشوارع شوية من ناحية الرصف والانارة والمياة والخدمات الاخرى
رقم 4 وظائف لشباب الدائرة
رقم 5 انشاء نادى رياضى مكان ادارة الكهرباء التى بجوار سنترال عين شمس مكان ممتاز لاقامة نادى اجتماعى ورياضى
رقم 6 تنظيم المرور بعين شمس خاصة سائقى الميكروباس الذى ييتراوح عمر السائق 15 عاما ومن البلطجية
رقم 7 تواجد امن بهذة الاحياء بصورة مشددة مثل عين شمس المرج المصرية السلام
بحيث يشعر المواطن بالامن والامان
اذا تم عمل ذلك ان شاء الله سوف يكون اول اعضاء مجلس شعب يعملون فى مصلحة وخدمة اهالى الاحياء وسيتم انتخابكم مرات ومرات ومرات وبدون دعاية

Ahmed Shawki 1-لابد من حل للتوكتوك لأنه أصبح بدون رابط لابد من الغاؤه فوراً لأنه يفشل أي سعي لحل مشكلة المواصلات 2-الميني باصات الخاصة بنقل الركاب ومن يحصلون منهم الكرتة في الشارع لابد من إيجاد حل مع السائقين ومع هؤلاء الناس لأن أخلاقهم تقدر تقول تحت الصفر بكتير 3-لابد من وجود تنظيم وتجميل للشوارع ولا مانع من مشاركة أهالي الأحياء لتنظيم وتنسيق أماكنهم وشوارعهم 4- اعادة شارع مثل شارع التروللي ليكون اتجاه واحد حيث أصبح الآن اتجاهين مع الأخذ في الاعتبار أن التوك توك لا يلتزم أصلاً بأي اتجاه ممكن يطير كمان وفي النهاية ربنا يوفقكم لأنه بصراحة حمل ثقيل ولابد من تكاتف المواطنين معكم لو أردنا نتيجة سريعة ملموسة

وفي النهاية شكر أ اشرف سعد جميع المشاركين وقال : شكرا لكم جميعا ، كل من شارك ، سيتم وضع اجندة عمل محددة المعالم وسنتواصل دائما وانتم من ستقررو باءذن الله ..

صفحة أ أشرف سعد (عضو مجلس الشعب عن الدائرة) هنا
avatar
في حب مصر
عضو مميز
عضو مميز

عدد المساهمات : 161
السٌّمعَة : 0
تاريخ التسجيل : 21/06/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أهم مشاكل الدائرة في حوار مع عضو مجلس الشعب عن الدائرة أ أشرف سعد

مُساهمة من طرف fox في السبت 10 ديسمبر 2011, 20:16

اهو واكبر مشكلة في المنطقة هيا مشكلة الزبالة اكيد مفيش كلام

fox
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى