منتدى الـمـطـريــــــــــــــة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» من امثال العرب
بعد أن يموت الملك Icon_minitime1الثلاثاء 07 فبراير 2023, 19:43 من طرف اخوكم احمد

» شوت ايديا لادارة صفحات الفيس بوك المواقع الالكترونية وانشاء اعلانات الفيس بوك ويوتيوب shoot idea
بعد أن يموت الملك Icon_minitime1الخميس 24 يونيو 2021, 05:44 من طرف shootidea

» ادارة صفحات السوشيال ميديا , اعلانات فيس بوك shoot idea
بعد أن يموت الملك Icon_minitime1الثلاثاء 22 يونيو 2021, 06:57 من طرف shootidea

» بالأرقام.. ننشر فروق استهلاكات الكهرباء بين اللمبات العادية والليد
بعد أن يموت الملك Icon_minitime1الأربعاء 04 ديسمبر 2019, 13:30 من طرف اخوكم احمد

» متصفح أوبرا الجديد يوفر 90% من فاتورة الإنترنت
بعد أن يموت الملك Icon_minitime1الإثنين 02 ديسمبر 2019, 12:04 من طرف اخوكم احمد

» الرقم البريدى للمطرية القاهرة
بعد أن يموت الملك Icon_minitime1الثلاثاء 01 أكتوبر 2019, 13:49 من طرف اخوكم احمد

» [رقم هاتف] رئاسة حى المطرية 44 ش الكابلات ميدان المطرية ..مصر
بعد أن يموت الملك Icon_minitime1الإثنين 08 يوليو 2019, 16:16 من طرف اخوكم احمد

» قائمة السلع والخدمات المعفاة من الضريبة على القيمة المضافة
بعد أن يموت الملك Icon_minitime1الإثنين 05 فبراير 2018, 16:24 من طرف اخوكم احمد

» قاعات افراح .. بحميع محافظات مصر ... وبالاسعار والعنوانين
بعد أن يموت الملك Icon_minitime1الأربعاء 10 يناير 2018, 12:48 من طرف اخوكم احمد

» محلات المطرية
بعد أن يموت الملك Icon_minitime1الإثنين 01 يناير 2018, 12:32 من طرف اخوكم احمد


بعد أن يموت الملك

اذهب الى الأسفل

بعد أن يموت الملك Empty بعد أن يموت الملك

مُساهمة من طرف اخوكم احمد السبت 01 أكتوبر 2011, 04:33

يوم 29 سبتمبر عام 1970 كنت فى السفارة المصرية فى السودان ممثلاً للطلبة أتلقى العزاء فى وفاة «جمال عبدالناصر»، وكانت الملايين تزحف نحو السفارة معلقين الشارة السوداء، وفى مثل هذه الأيام كان «السادات» يزور القبر ويلقى خطاباً ثم أصبح يلقى خطاباً ولا يزور، ثم أصبح لا يزور ولا يلقى ويحضر فى اليوم نفسه حفلاً غنائياً لفرانك سيناترا تحت سفح الهرم، وكان الرئيس المخلوع «مبارك» فى مثل هذه الأيام يزور قبر «السادات» ويقرأ الفاتحة ثم يزور قبر «عبدالناصر» ليقول له ما كتبته فى عام 2005..

(طبعاً إنت عارف، أنا لا عايز أزورك ولا أشوفك، هيه بس تحكُمات السياسة اللعينة.. إنت منين فى الصعيد؟ صحيح إنت رقِّيتنى إلى رئيس أركان القوات الجوية لكن ده بكفاءتى مش بمزاجك، حد يا راجل يعادى أمريكا وإسرائيل ويحارب المستثمرين؟ إنت منين فى الصعيد؟ على العموم ارتاح، أنا بعت كل المصانع اللى إنت عملتها، والعمال اللى صدَّعتنا بيهم آهم متلقحين ع القهاوى بقى باسم الأمة؟ خلى بقى الأمة تنفعك.. فاكر عواد باع أرضه، وفدادين خمسة خمس فدادين، والأغانى اللى كنت بتغيظ بيها إخوانا الإقطاعيين؟ آهى الأرض رجعت لهم تانى والفلاحين بتوعك سابوا الترعة وراحوا يغرقوا فى البحر.. فاكر حكاية إسرائيل ومن وراء إسرائيل؟ علم إسرائيل على النيل دلوقتى زى السد العالى بتاعك بالظبط ويمكن أعلى شوية، نعم! سميت ابنى على اسمك ليه؟ بسيطة علشان ما اتولدش أيام فاروق.. إنت منين فى الصعيد؟

إنت لسه ح تقول الفقرا والغلابة، تعالى يا أخويا، خد الغلابة بتوعك معاك فى حضنك، ما حدش عايزهم ولا طايق يشوفهم، بقى العمال تدخل مجلس الإدارة؟ ما تجيبهم أحسن يقعدوا مطرحى.. قعدت تقول طريق الثورة وطريق الحرية وطريق الكرامة، تعالى النهاردة شوف طريق المحور.. مش تقول لى التعليم مجاناً والعلاج مجاناً، النهاردة دورات المياه فى الشوارع برسوم، ولو مش عاجبك هنركِّب عدادات للتنفس.. والخمسين فى المية عمال على فلاحين خلِّتها خمسين فى المية عَمَّال على بطال.. أنا خلاص ماشى.. لأ لأ ما تفرحش قوى، أنا بس ماشى من قدامك).. عندنا ثورتان، ثورة مع بداية السنة المالية فى يوليو، وثورة مع بداية السنة الميلادية فى يناير، وقد تحول حكام يوليو إلى قبرين وقفص، يحبهم البعض ويلعنهم آخرون، فهل يتعظ حكام يناير؟!
.............................
جلال عامر
galal_amer@hotmail.com
اخوكم احمد
اخوكم احمد
Admin

عدد المساهمات : 2436
السٌّمعَة : 9
تاريخ التسجيل : 03/05/2009
العمر : 61

https://matarya.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى