بحـث
 
 

نتائج البحث
 


Rechercher بحث متقدم

المواضيع الأخيرة
» الرقم البريدى لمنطقة المطرية بالقاهرة
الأحد 10 سبتمبر 2017, 21:13 من طرف اخوكم احمد

» المطريه ليس بها فرع واحد لأى بنك ؟
الأربعاء 30 أغسطس 2017, 15:15 من طرف اخوكم احمد

» من امثال العرب
الإثنين 26 ديسمبر 2016, 00:16 من طرف اخوكم احمد

» سجل هنا اجمل تهنئة وصلتك
السبت 10 سبتمبر 2016, 03:48 من طرف اخوكم احمد

» رسائل العيد (خفيفة الدم)
الجمعة 09 سبتمبر 2016, 13:14 من طرف اخوكم احمد

» متصفح أوبرا الجديد يوفر 90% من فاتورة الإنترنت
الإثنين 15 أغسطس 2016, 00:28 من طرف اخوكم احمد

» السلام عليكم.
السبت 23 أبريل 2016, 21:33 من طرف اخوكم احمد

» لقد تم حل مشكلة التسجيل بالمنتدى
الخميس 21 أبريل 2016, 18:52 من طرف اخوكم احمد

» احكام نقض محمد عبد السلام يوسف
الأربعاء 20 أبريل 2016, 18:11 من طرف اخوكم احمد

» سلام على اهل حمص وحلب وتحية لأيام منتدى ما وراء الاصوات ويلوووو
الإثنين 11 أبريل 2016, 14:20 من طرف اخوكم احمد


سيادة الرئيس ارجعلنا

استعرض الموضوع السابق استعرض الموضوع التالي اذهب الى الأسفل

سيادة الرئيس ارجعلنا

مُساهمة من طرف فاطمة فيصل في السبت 16 أبريل 2011, 20:28

سيادة الرئيس ... ارجعلنا

مش انت واحد مننا ؟؟ـ

و عمرك في يوم ما سرقتنا
..................
ولا خدت مليم مننا

ما تيجي طب ترجعلنا

تقعد بأهلك وسطنا

أهو مرة تاكل أكلنا

وتلبس يا خويا من لبسنا

وتعيش في حارة او في شارع زينا

قلت ايه ؟؟ يا حارق دمنا

***
سيادة الرئيس ... ارجعلنا

وغداك يا سيدي عندي أنا

رز و بطاطس مسرطنة

لحمة ؟؟... مفيش من سنة

فاكهة ؟؟... تعيش انت و أنا

و الشاي .. بآخر معلقة م السكر اللي كان عندنا

اشرب و فوق وركز بقه .. علشان نكمل حكينا

***
سيادة الرئيس ... ارجعلنا

مش سبت الحكم .. لأجلنا ؟؟ـ

ما تيجي تسمع حكمنا !!ـ

أفكرك ؟؟ ولا انت فاكر زينا

قطر اتحرق من كام سنة

وغازنا اللي طار من أرضنا ... لعدونا

وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا

ومركبة بأحلى شباب ... ييجوا من ايطاليا غرقانين .. والقرش ياكل لحمنا

والله كانوا زينا

ويمكن أحسن مننا

ليهم بيوت و ولاد و عيشة و حلم .. زي حلمنا

اتغربوا و اتبهدلوا .. لما الفساد طال كل حاجة في أرضنا

واللي ما ماتش .. قاعد في غربته .. والغريب بيذلنا

اقول كمان ؟؟ ولا كفاية ... و اهو انت عارف عننا
.
أصبر هتسمع حكمنا

***
سيادة الرئيس ... ارجعلنا

ولو انت واحد مننا

فعلا يهمك أمرنا

بينا عالنائب العام .. تفتنله على ولاد الحرام ... مصوا بلدنا و دمنا

و افتن دي فتنة مهيش حرام .. ده حقنا

دا لو انت واحد مننا
.
أصبر هتسمع حكمنا

***
سيادة الرئيس ... ارجعلنا

اقعد معانا و زينا

هعرفك .....ـ

دي (أم خالد) أمنا

ودول أهل (سالي) أهلنا

و(عمر بن بنونة ) إبننا

فسر و احكي و قللهم .. و قللنا

واستسمح الروح اللي منورة في الجنة عند ربنا

هتقول مكنش قصدنا ؟؟ـ

دول ماتوا غصب عننا ؟؟ـ

كداب و فاجر .. و اللي يصدقك زيك .. والكدب ريحته منتنة

تتشل إيد اللي ضرب ،، و اللي أمر ،، و عليكوا لعنة ربنا
.
أصبر هتسمع حكمنا

***

أيوه بقول ارجع لنا

ياللي سرقت حلمنا

وغربتنا و نهبتنا ... و في كل حتة أهنتنا

إحنا اللي سال دمنا

في الأربعين و اسكندرية و التحرير يشهدلنا

آدي القفص ... أقف هنا

والشعب يحكم .. مش أنا

صدقني ... هي بينة

من فوق سبع سماوات .. قالها ربنا

العين بالعين والسن بالسن ... و هو دا بقه حكمنا ... و مفيش غيره عندنا
منقول
avatar
فاطمة فيصل
مشرف عام
مشرف عام

عدد المساهمات : 1136
السٌّمعَة : 4
تاريخ التسجيل : 29/09/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سيادة الرئيس ارجعلنا

مُساهمة من طرف المستشار/ أحمد الحريف في الأحد 17 أبريل 2011, 14:06

هكمل حكايتك يا أختنا
لو رجعلنا على طول الكرسي نحت رجليه وبالفلكة وفين يوجعك
ياما كنت من غير كرسي بتمدنا وفين يوجعك

عمتنا علشان تفتح في أكلنا مش برده أخذت أكلنا
ولبسنا العمة المزيتة ويارتها نضيفة زينا
ده حلنا من غير كلام احنا بنشكيك لربنا
عارف ليه عاوزينك ترجعلنا
علشان تشوف اللي احنا شيفـــــينوا من غير فينوا ده أكلنا

قلت زمان إللي مش لاقي عيش ياكل فينوا أو بسكويت
كنت بتقولها لينا نكته ولا كنت حايش عنا العيش والعيشة
علشان تعرف من غير حساب ليك ولا لينا
بمشيئة الله أحنا في الجنة وأنت الله يا لعنك

كلام كتير قلته زمان وأتاري الكلام كلامه وخلاص
يا سيدي كان فيها أيه لو أكلت أنت الفينو وسبت العيش لينا
على فكرة كنا بناكل المش بالعيش والجبنة القديمة
وما نعرفش شكل اللحمة إلا من زمن الزمان

على فكرة في ناس بتدعيلك دعوة ربنا يجعلها من نصيبك
روح منك لله ** روح منك لل ** ه روح منك لله

أحمد الحريف
avatar
المستشار/ أحمد الحريف
مشرف منتدى التنمية البشريه
مشرف منتدى التنمية البشريه

عدد المساهمات : 767
السٌّمعَة : 0
تاريخ التسجيل : 26/09/2010
العمر : 58

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سيادة الرئيس ارجعلنا

مُساهمة من طرف احمد عامر محام في الأحد 17 أبريل 2011, 14:56

فرعون غرق .. وكليوباتر انتحرت ........ وقطز غرق ... وبيبرس اتقتل... والمماليك ادبحو..... والعثمانيين قتلوا و ................عباس حلمى الاول اتقتل فى بنها .... الخديوى اسماعيل اتنفى واتحبس وفاروق اتنفى ..وجمال اتسمم ...والسادات اتغربل ومبارك اتحبس وعياله اتشردت ..................... حد له شوق فى مصر ؟؟؟؟؟ وهنا تعرف ان مصر مقبره لكل طاغيه وادى جزاة اللى مسمعش كلمه ماما تقولها ,,,
avatar
احمد عامر محام
مشرف المنتدى القانونى
مشرف المنتدى القانونى

عدد المساهمات : 961
السٌّمعَة : 2
تاريخ التسجيل : 22/11/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى